Yaahaya 11:52 - Hapari Zooshapweya

⁵² khahiyo paasi khwa khapila ya mayaahuuti, ila theenya yoori awaakusanye khwa mwiili mmote aana a Nluku apale amwazeyiyeeyo.

Yaahaya 11:52 Referans Kwoze

Yaahaya 10:16

Kinaaye theenya pwittipwitthi kiina zihimo mmwizizi mphu. Epo enikihithajiya weettela kikusanye na epi ziiye liphanko limote na nshuki mmote na epo zinteela osiila huula yaka.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

1 Pheeturu 1:1

Miiyo Pheeturu, aswihaapa wa Yinsa Al-Masiihu, kiniwaatikhela warakha eti ananthawuliwa a Nluku amwazeyeliyeeyo nti wa Pontu, Kalaasiya, Kapatosiya, Aaziya na Bitiiniya,

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

Arooma 3:29

Niri Nluku, Nluku wa mayaahuuti paasi? Ye khahiyo Nluku theenya wa amalapo? Aaa theenya ti wa amalapo,

Luuka 2:32

Ye nuuru ya omwasikhela khapila zooshi za amalapo na siifwa ya atthu awe a Ezirayiilu.”

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

Ayeefezu 3:11

epi shawuri Nluku arettiyeeyo, khwa Yinsa Al-Masiihu Mbwana eetthu olumwenku ohinompiwe.

Ayeefezu 1:5

Khwa pheta atthomiyeeyo onikaphula yoori niiye aanaawe khwa Al-Masiihu na shawuri zooshapweya za niiya yawe.

Arooma 4:17

Nkhama yaatikhiweezo yoori: “Miiyo kooretta wiiya paapa wa khapila zawaatta.” Ye ti papeetthu omaasho wa Nluku, othuuto ankhupaliyeeyo, Nluku aniwinkhaaye ohaayi ananfwa na anrettisaaye vitthu zoohiivo nkhama za wiiyavo.

Khaazi 18:10

Maana miiyo kiri vamote na weeyo, khina etthu moote enttelaaye wuupuwelela yootakhala, maana miiyo kinaaye atthu awaatta sitati ethiiti.”

Yaahaya 12:32

Ila miiyo amana kilansiwa vathi apha kintta ojitiisela atthu ooshi.”

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Zaapuura 22:15

Kuvu zaka zooma nkhama liika la ottophe, nlimi laka linkiphara vatulu wa milomo zaka, weeyo wakilikha orapalela va lifufu la ofwa.

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Zaapuura 22:27

Atthu ooshi mpakha okhu wiisheliyeewo olumwenku anteela ofikhiri na arutele wa Nnyizinku, khwa ye khapila zooshi enlawa zashututi.

Yaahaya 1:12

Ila apale ampwekhereliyeeyo na akhupaliyeeyo nzina lawe, awenkha ruhusa yooretteya wiiya aana a Nluku.

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

Luuka 15:8

Khulupa araka: “Ama muukha-ni anraaye arina nzurukhu awe khumi, khumwaashikha mmote, khuhikhozi khantteya aseela nnyupa mwawe, eekesa waakhilivo mpakha opattha?