Yaahaya 11:28 - Hapari Zooshapweya

²⁸ Paata ya olupa mattakhuzi apale, khulawa owawe na khunkhuwelela Mariyamu othetekele khumuuza yoori: “Oo, Mwaaliimu otu ari apha onuukhuwela weeyo.”

Yaahaya 11:28 Referans Kwoze

Yaahaya 13:13

Mweeyo mwikiitthaka miiyo mwinri ‘Mwaaliimu’ na ‘Mbwana,’ mwina shariya, miiyo ki othuuto.

Yaahaya 11:20

Maarata noosiila yoori Yinsa ontta ota khunthepeeza, ila Mariyamu aasaliye eekhaliye onti.

Maaruku 10:49

Yinsa khweemela khuri: “Mwinkhuwele.” Khukhuweliwa otule woohooni khumuuza yoori: “Ofurahi, olankhe, ye ontta wuukhuwela!”

Yaahaya 21:7

Nakhiyoni wa Yinsa woophetacha khumuuza Pheeturu yoori: “Oto aya ti Mbwana!” Wakathi Simawu Pheeturu asiiliyeevo elupiwaka yoori aari Mbwana, khuwala juupa, maana eettiye ovula na khujeeselela mmaati.

Yaahaya 20:16

Yinsa khuri: “Mariyamu!” Ye khuzukuluwa, khulupa khwa luuka ya meepereewu yoori: “Raboni!” (Eriina maana, a Mwaaliimu).

Yaahaya 10:3

Amana ataaka oto aya, namweekesela ontta ofukula nlako na pwittipwitthi zintta osiila huula yawe na ye ontta okhuwela wakhula moote na nzina laya asarulelaka vaje.

Yaahaya 1:45

Filiipe khunsikana Natanayeele khumuuza yoori: “Nansikana otule Munsa aatikhiyeeyo nkithaapu ya kano monkoni wa ye na manapiyu. Yinsa wa Nazareeti, mwaana wa Yuusufu!”

Yaahaya 1:41

Mwanzo wonsikana aari ttwiiye Simawu, na khumuuza yoori: “Nansikana Al-Masiihu” (enlupaaye yoori Namathawaziwa).

Luuka 22:11

Mwimuuze mweenyewe nyuupa yaya eto yoori: ‘Mwaaliimu onuuzela araka: Ori vayi nsana aka wa omakavo, kinttelaaye onjavo paashikowa na anakhiyoni aka?’

Maaruku 14:14

mwimuuze mweenyewe nyuupa ethiito anttelaaye oviramo yoori, ‘Mwaaliimu ontta wuuzela: Ori vayi nsana aka wa omakavo, kinttelaaye onja paashikowa na anakhiyoni aka?’

Matewuzhu 26:18

Yinsa khujipu yoori: “Mwilawe nsitati mwakutthanane mwinyi mmote mwimuuze yoori: ‘Mwaaliimu alupa yoori: Wakathi aka onsaleela ofiya. Kinttela onja Paashikowa na anakhiyoni aka vaje vawo.’ ”

Meepereewu 12:12

Khwa ethiito, mwilanse makhono enu apo ooshokhera na mwilipisele makutha enu oottettheya.

1 Atizaloonika 5:11

Tiito, mwitumerelane na mwaawunane mmote na nzeenu, nkhama etthiipo mwinrettaazo.

Yaahaya 11:29

Wakathi Mariyamu asiiliyeevo mattakhuzi apale, khulankha nasaapiru na khulawa okutthanana Yinsa.

Yaahaya 11:30

Yinsa nalelo aari ahinafiye omwanttiwa, ila aari ottuukhule Maarata eetteliyeeyo onkutthananawo.