Yaahaya 10:3 - Hapari Zooshapweya

³ Amana ataaka oto aya, namweekesela ontta ofukula nlako na pwittipwitthi zintta osiila huula yawe na ye ontta okhuwela wakhula moote na nzina laya asarulelaka vaje.

Yaahaya 10:3 Referans Kwoze

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Yaahaya 10:4

Paata ya osarula zooshi epile ziiyiyeeyo zawe, ontta olokozela, khusala zinlotta maana zinjuwa huula yawe.

Yaahaya 10:16

Kinaaye theenya pwittipwitthi kiina zihimo mmwizizi mphu. Epo enikihithajiya weettela kikusanye na epi ziiye liphanko limote na nshuki mmote na epo zinteela osiila huula yaka.

Yaahaya 10:14

“Miiyo ki nshuki wokhaamili; kinjuwa pwittipwitthi zaka na yo zinikijuwa,

Othoonyeziwa 3:20

Mwisiileze! Miiyo kiri va nlako na kintta opiya. Amana ntthu asiila huula yaka na khufukula nlako, kintta ovira kije vamote na ye, na ye na miiyo.

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”

Arooma 8:30

Apale awathawuliyeeyo, awaakhuwela; apale awaakhuweliyeeyo, awaahakikhi; apale awaahakikhiyeeyo, awaattitthimisa.

Yaahaya 6:45

Yaatikhiwa nkithaapu za manapiyu yoori: ‘Ooshi anttela osomisiwa ti Nluku.’ Nakataalikha, wooshi otule asiiliyeeyo phantte ya Paapa na khujuwa, onikiteela miiyo.

Yaahaya 6:37

Wakhula otule Paapa anikinkhaaye, onikiteela miiyo, na otule anikiteelaaye miiyo akinteela onthanya.

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.

Afiliipu 4:3

Na weeyo nshirikha aka wa waamineya nkatthi wa khaazi, kinuuvekela yoori owaawuni alupu apa. Maana yo na Kelementi na ashirikha aka akinoko, akhola khaazi phantte yaka ya omwaza hapari zooshapweya. Mazina aya ari nkithaapu ya ohaayi.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Akorintiyu 16:9

Maana wafukuliwa khwa miiyo nlako mmote nwulweene na ruhusa; na awaapho ashinttani awaatta.

Yaahaya 10:9

Miiyo ki nlako; otule anviraaye khwa miiyo ontta wuusurukha. Na onaaye ruhusa ya ovira khusaruwa na onsikana nnyepu.

1 Yaahaya 4:6

Fweeyo ninlankha wa Nluku, otule aninjuwaaye Nluku onnisiileza. Otule ahinlankhaaye wa Nluku khannisiila. Khwa etthiipo ninjuwa Rooho ya haakhi na rooho yoovonya.

3 Yaahaya 1:14

Kinaakhipwela oteela owoona nasaapi, na ninteela ottakhula wuuso khwa wuuso.