Yaahaya 1:45 - Hapari Zooshapweya

⁴⁵ Filiipe khunsikana Natanayeele khumuuza yoori: “Nansikana otule Munsa aatikhiyeeyo nkithaapu ya kano monkoni wa ye na manapiyu. Yinsa wa Nazareeti, mwaana wa Yuusufu!”

Yaahaya 1:45 Referans Kwoze

Luuka 24:27

Khusala aweeleza mattakhuzi ooshi aatikhiweeyo nkithaapu aari onlupaaye ye, waaza kithaapu ya napiyu Munsa mpakha za manapiyu akinoko.

Matewuzhu 2:23

Khusala eekhala sitati eniitthiwaaye Nazareeti, yoori erettikhane epile zaalupiweeyo pi manapiyu araka: “Ye onteela wiitthiwa Nnazare.”

Luuka 24:44

Nawiisha khulupa yoori: “Pi etthiipi kaawuuziyeenini wakathi opule kaari vamote na mweeyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na Zaapuura.”

Luuka 4:22

Atthu ooshi khusala anttottopela, na khwiiya ootikinisiwa mwaasa wa mattakhuzi a rehema aari olankhaaye nkhanyo mwawe. Khusala oozelana yoori: “Khahi mwaana wa Yuusufu otu?”

Yaahaya 18:7

Yinsa khuwoozela opheya yoori: “Mwinimweekesa paani?” Yo khujipu: “Yinsa wa Nazareeti!”

Mwanzo 22:18

Atthu ooshi a voolumwenku anteela oparikhiyiwa, mwaasa wa ojama awo, maana weeyo wakishututela.”

Maaruku 6:3

Khahiyo kalapinteero otu, mwaana wa Mariyamu, ttwiiye Tiyaaku, Yuusufu, Yuuda na Simawu! Alupuwe khari nttumphu!” Khusala ajoona oveyisiwa ti ye.

Matewuzhu 21:11

Atthu khusala ajipu yoori: “Otu ti Yinsa, napiyu wa Nazareeti ya Kalileya.”

Mwanzo 49:10

Khweele Yuuda khanteela onyakanyiwa ofwalume awe, wala pakhora yoofwalume eriiye mmwinyoka mwawe, mpakha ate mweenyewe ofwalume, otu anttelaaye oshututeliwa pi atthu ooshi.

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Khaazi 22:8

Miiyo khumuuzela yoori: ‘O paani weeyo, Mbwana?’ Akijipwaka ari: ‘Miiyo ki Yinsa wa Nazareeti, othuuto weeyo oninlupatthaaye.’

Khaazi 10:38

mweeyo mwinjuwa khwa nanna Nluku anthawaziyeeyo Yinsa wa Nazareeti khwa Rooho Ttakatthiifu na owahi, ethiito yanlawaniye phantte zinkizene arettaka vitthu zooshapweya na owaavonisa atthu ooshi apale aari ohoochiwaaye ti sheethwani, maana Nluku aari vamote na ye.

Yaahaya 21:2

Aari vamote Simawu Pheeturu, Tome aniitthiwaaye Maphapo, Natanayeele wa nti wa Kanaani ya Kalileya, na aana a Zepeteewu na anakhiyoni akina awiri.

Luuka 2:4

Yuusufu khulankha Kalileya, sitati ya Nazareeti, khulawa Yudeya sitati ya Belemu, ottuukho aavokoliweewo wa mfwalume Daawuuda. Eetteliye waatikhiwa maana aari wa ojama wa Daawuuda.

Maaruku 14:67

Amooniyeevo Pheeturu eettaka woottha moottho khuri: “Weeyo waari na Yinsa wa Nazareeti.”

Matewuzhu 13:55

Otu khahi mwaana wa kalapinteero? Nzina la mamaawe khahi Mariyamu, attwiize khayi Tiyaaku, Yuusufu, Simawu na Yuuda?

Khaazi 26:9

“Weekhweele na miiyo kaari woojishintta yoori kiina yooretta wakhula etthu ya wuumanana nzina la Yinsa wa Nazareeti.

Khaazi 3:6

Pheeturu khulupa yoori: “Akina feeta wala weero, ila kiniwinkha ethiiti kiriina. Khwa nzina la Yinsa Al-Masiihu wa Nazareeti, lankha weettette!”

Khaazi 2:22

“Mweeyo, atthu a Ezirayiilu, mwisiileze mattakhuzi apa: Yinsa wa Nazareeti, ahakikhiwa ti Nluku vakatthi venu mweeyo khwa alama zawaatta na minjuza, etthiipo Nluku mweenyeweene arettiyeezo khwa ye vakatthi venu mweeyo nkhama etthiipo mwinjuwaazo.

Yaahaya 19:19

Pilaatu khwaatikha lipawu khuthomeya pontha wa nsalapa; aatikhiyevo yoori: “Yinsa wa Nazareeti, Mfwalume wa Mayaahuuti!”

Yaahaya 18:5

Yo khujipu: “Yinsa, wa Nazareeti!” Aphano ye khuwooza yoori: “Ti miiyo.” Yuuda namazinkula, ti aariina atthu apale.

Yaahaya 6:42

Khurutela olupa yoori: “Khahi Yinsa otu, mwaana wa Yuusufu? Onoona yoori fweeyo khanninjuwa papaawe na mamaawe? Onlupa toovi yoori: ‘Keeshukha pinkuuni’?”

Luuka 3:23

Yinsa wakathi aaziyeevo olaleya hapari zooshapweya aarettiye arina nyaakha talaathiini. Ye aari waakanyeriwa wiiya mwaana wa Yuusufu, mwaana wa Heeli,

Matewuzhu 10:3

Filiipe na Parutulumeewu; Tome na Matewuzhu, namariphisa lumpuru; Tiyaaku mwaana wa Alufeeyu na Tadeewu;

Luuka 2:48

Aphano apapaze noomoona khushanka, mamaawe khumuuzela araka: “Mwanaka! Niini epi oniretteliyeezo? Miiyo na papaawo naari wa wantipweya naaza raku oweekesa.”

Yaahaya 1:44

Filiipe aari wa sitati ya Betezayiita ottuukho waari owawe Pheeturu na Antere.

Yaahaya 6:5

Aphano alansiyeevo maasho khoona khuntti khuluyeene ya atthu yeettaka onteela, Yinsa khumuuzela Filiipe yoori: “Noozanye vayi phaawu niwenkhe atthu apa aje?”

Yaahaya 6:7

Filiipe khujipu araka: “Nzurukhu miiya piiri wa feeta khunfiyela wuuzanya phaawu yoori wakhula ntthu apatthe pattaasu.”

Yaahaya 12:21

Yo, khulawa ottakhulana Filiipe aari wa nti wa Betezayiita ya Kalileya, khunvekela araka: “Mwinyi, nintakha omoona Yinsa.”

Yaahaya 14:8

Filiipe khulupa yoori: “Mbwana, onithoonyeze Paapa, ethiito ennitosheleza.”

Luuka 18:37

Khuuziwa yoori: “Yinsa wa Nazareeti ontta ovira.”