Yaahaya 1:26 - Hapari Zooshapweya

²⁶ Yaahaya khuwaajipu yoori: “Miiyo kinoosa na maati, ila vakatthi venu mweeyo owaapho ntthu mwihininjuwaaye,

Yaahaya 1:26 Referans Kwoze

Khaazi 1:5

Maana Yaahaya awoosani na maati, ila nkatthi wa siikhu vattitthiiru mweeyo mwinteela woosiwa na Rooho Ttakatthiifu.”

Luuka 3:16

Ye khuwooza ooshi apale aariivo yoori: “Weekhweele miiyo kiniwoosanani maati, ila onta nkina ariina owahi wookiziti miiyo, wala akinsuhi ofukula mikhoyi za jampali zawe. Ye onteela owoosani na Rooho Ttakatthiifu na moottho.

Maaruku 1:8

Miiyo kiniwoosani na maati, ila ye onttela owoosani na Rooho Ttakatthiifu.”

Matewuzhu 3:11

“Miiyo kiniwoosani na maati yoori mwithoonyeze othupwiya. Paata ya miiyo, onta nkina ariina owahi zayita miiyo, wala akina makhaamu oothuula jampali zawe. Ye onttela owoosani na Rooho ttakatthiifu na moottho.

Yaahaya 8:19

Aphano khumuuzela yoori: “Papaawo aya ori vayi?” Yinsa khuwaajipu yoori: “Mweeyo khamwinikijuwa miiyo na khamwininjuwa Paapa, eriwaka mwaari okijuwa, mweetta onjuwa Paapa.”

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

Khaazi 11:16

Aphano miiyo khuupuwela etile Mbwana aanuuziyeeyo yoori: ‘Yaahaya awoosani na maati, ila mweeyo mwinttela woosiwa na Rooho Ttakatthiifu.’

Yaahaya 17:25

“Paapa wa shariya, atthu a olumwenku khanuujuwa, ila miiyo kinuujuwa; na apa okinkhiyeeyo anjuwa yoori weeyo weetta okiruma.

Yaahaya 17:3

Na ohaayi opo wa mileele pi opu: Oojuwe weeyo, Nluku mmote paasi weekhweele, na Yinsa Al-Masiihu otule onrumiyeeyo.

Yaahaya 16:3

Yo anttela oretta toowo mwaasa woohinjuwi Paapa wala miiyo.

Matewuzhu 3:6

Yo aari otukhuru twampi zaya, nawoosiwa ti Yaahaya mmuttho Yorotaani.

Khaazi 19:4

Paawulu khuri: “Yaahaya aretta woosa wa othupwiya, awoozaka atthu yoori ankhupali otule anttelaaye ota nyumani wawe, anlupaka Yinsa.”