Yaahaya 1:12 - Hapari Zooshapweya

¹² Ila apale ampwekhereliyeeyo na akhupaliyeeyo nzina lawe, awenkha ruhusa yooretteya wiiya aana a Nluku.

Yaahaya 1:12 Referans Kwoze

Akaalata 3:26

Nakataalikha nasaapi eti mooshi mweeyo mwa aana a Nluku khwa amini ya Yinsa Al-Masiihu.

Arooma 8:14

Maana ooshi apale aneettettisiwaaye ti Rooho ya Nluku aana a Nluku.

1 Yaahaya 3:1

Moone nanna ewuliyeezo pheta Paapa aninkhiyeeyo, yawiitthiwa aana a Nluku, khweele na aana a Nluku. Tiito olumwenku ohinnijuwaaye, maana olumwenku khuninjuwa Nluku.

Akaalata 4:6

Na mwaasa wa mweeyo wiiya aana a Nluku, ye aperekha varoho venu Rooho ya Mwanawe, enkhuwaaye eraka: “Aba, enraaye Paapa!”

Yaahaya 3:18

Wakhula otule aninkhupalaaye khamphukiwa, ila otule ahininkhupalaaye aphukiwa, mwaasa wa ohikhupali nzina la Mwaana mmote paasi wa Nluku.

Akoloosu 2:6

Nakataalikha, nkhama etthiipo mweeyo mwimpwekhereliyeeyo Yinsa Al-Masiihu Mbwana, mwiikhale khwa osiilana na ye,

Matewuzhu 10:40

“Wakhula otule anuupwekherelaanini akipwekherela miiyo, na otule anikipwekherelaaye ampwekherela otule akirumiyeeyo.

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

2 Pheeturu 1:4

Khwa nanna ethiito, ye aninkha ahiti yawe khuluyeene na yootafikhana yoori khwa etthiipo mweeyo mwipatthe oretta phantte ya ephattu ya Nluku, mwiweraweraka vitthu zootakhala ziriiye voolumwenku, mwaasa wa omaashokopho.

Matewuzhu 12:21

Amalapo ooshi anttela wiiyana nroromelo khwa nzina lawe.”

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

Khaazi 3:16

Mwaasa wa waamini nzina la Yinsa, nzina nttinttho lanvonisa mwinyi otu mwinimoonaaye na mwininjuwaaye. Amini entaaye khwa Yinsa yamwinkha ekumi ya ekhweele, nkhama etthiipo mwinoonaazo vakatthi venu mooshi.

Yaahaya 11:52

khahiyo paasi khwa khapila ya mayaahuuti, ila theenya yoori awaakusanye khwa mwiili mmote aana a Nluku apale amwazeyiyeeyo.

Yaahaya 1:7

Ye aatiiye nkhama shaahiti yoori alawele oshaahiti monkoni wa nuuru, yoori atthu ooshi apatthe osiila hapari na akhupali khwa ye.

Matewuzhu 18:5

“Otule animpwekherelaaye nsimaana nkhama otu khwa nzina laka, onikipwekherela miiyo.

Yaahaya 2:23

Wakathi Yinsa aari Yeruzaleemu, onjampo la Paashikowa, atthu awaatta khukhupali khwa nzina lawe mwaasa wa woona alama za minjuza epile aari orettaazo.

Yaahaya 1:11

Awaateliye apale eeyiyeeyo awe, yo khuhimpwekhereli.

Arooma 8:16

Rooho ethiito enlawela oshaahiti rooho yeetthu yoori na aana a Nluku.

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.

1 Yaahaya 3:2

Aphetani aka, nasaapi eti naana a Nluku, ila nalelo khannathoonyeziwe niini ninttelaayo wiiya. Ila ninjuwa yoori amana ajithoonyeza, ninttela wiiya nkhama ye, maana ninteela omoona nanna ariizo.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.