Tiyaaku 3:2 - Hapari Zooshapweya

² Maana fooshi ninkwakwanttuwa khwa nanna zene. Nkhama ntthu khankwakwanttuwa muuttakhula, ntthu aya oto khaamili, na onwahi oshintta mwiili awe wooshi.

Tiyaaku 3:2 Referans Kwoze

Tiyaaku 1:26

Ntthu amana ajoona wiiya natiini, ila khuhisala eenanela nlimi lawe, onjihata mweenyewe na tiini yawe khina fwayita.

1 Pheeturu 3:10

Nkhama enlupaazo Zawaatikhiwa Ttakatthiifu yoori: “Otule antakhaaye opheta ohaayi na wiikhala woofurahi, athokorele nlimi lawe khwa vitthu zootakhala na nlomo awe khwa vitthu zoohata.

Matewuzhu 12:37

Maana khwa mattakhuzi enu mwinteela wonkokha na khwa atthaapo mwinteela ohukhumwiwa.”

Arooma 3:10

Nkhama yaatikhiweeyo yoori: “Khina eeyiye nashariya, hatha mmote,

Tiyaaku 1:4

Nthiti laya nttho lina la wiiya lookhamilikha, yoori mweeyo mwiiye ookamilikha na oolotteya, ohivonyiwi ti hatha etthu.

Tiyaaku 2:10

Maana otule anshututelaaye kano zooshi ila khuvonya etthu moote ya kano, oto eninkwela paathuli ya ovonya kano zooshi.

1 Akorintiyu 9:27

Ila miiyo kinuumanana mwiili aka yoori kishintte, na ehikirettikhanele amana kiwaatafusirelaka akinoko aya kihiiye wookatthaliwa ti Nluku.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Akaalata 3:22

Ila Zawaatikhiwa Ttakatthiifu zinlupa yoori olumwenku wooshi pi wooshinttiwa ti twampi, eto ti yoori atthu apale ankhupalelaaye apwekherela tthuvo Nluku ahitiyeeyo khwa apale ariina amini khwa Yinsa Al-Masiihu.

Arooma 7:21

Aphano, kinsikana kano eniikhalaaye khwa miiyo: kitakhaka oretta yooshapweya, zootakhala ziniiya vamote na miiyo.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Akaalata 5:17

Maana epile entakhaaye onaatamu enuumanana etile entakhaaye Rooho Ttakatthiifu. Na etile entakhaaye Rooho Ttakatthiifu enuumanana etile entakhaaye onaatamu. Epo zintta wuumana moote na nzaaya, tiito mwihirette etile mwintakhaaye.

Matewuzhu 12:34

Ojama wa nyookha, mweeyo ootakhala rooho, enretteya ottakhula vitthu zooshapweya? Maana milomo enttakhula etile eniiyaaye varoho.