Tiyaaku 3:1 - Hapari Zooshapweya

¹ Attwiizaku, enki a mweeyo mwihiiye anamasomisa, mwijuwe yoori fweeyo ninnozelaaye ninteela ophukiwa venkivene.

Tiyaaku 3:1 Referans Kwoze

1 Timootiyu 1:7

Yo antakha ojiretta wiiya anamanozela a kano za Nluku, ila khiniweeleya, wala epile anlupaazo na haakhi yaya khanjuwa.

1 Pheeturu 5:3

Mwihijirette wiiya anamashintta wa apale mwiniwaalokozelaaye ila mwiiye nthoonyezo wa liphanko laya nttho.

1 Akorintiyu 12:28

Etthiipo, muujama wa Nluku, omwanzo Nluku awaatthaamo maaswihaapa; ya phiiri manapiyu; ya ttaatthu anamanozela; elottelanaka apale anrettaaye minjuza, apale ariina tthuvo ya ovonisa, apale ariina tthuvo ya waawuni, apale ariina tthuvo ya oshuka nzurukhu na apale anttakhulaaye luuka pheeya.

Matewuzhu 23:13

“Olaanikha pu weenu mweeyo anamanozela a kano na mafwarizeewu, manaafikhi, maana mwiniwafukela atthu ofwalume wa pinkuuni, ila na mweeyo khuheettimo na khamwintakha owaalikha weettamo apale antakhaaye weettamo waya!

1 Timootiyu 2:7

Akintta ohata kinlupa khweele, keetta othawuliwa yoori kiiye namalaleya, kiiye aswihaapa na kiiye namanozela wa mattakhuzi apa a amini na a haakhi, khwa khapila zooshi.

Ayeefezu 4:11

Othuuto khuwenkha akina owaaswihaapa, akina onapiyu, akina onamalaleya, akina onshuki na onamanozela,

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

Meepereewu 13:17

Mwiwaashututele atthu apale oolokozeliyeenini na mwiwaashirehezele khwa ofwalume aya, maana yo aniwiinanelani mweeyo nkhama atthu anttelaaye ojipu khwa khaazi yenu mweeyo wa Nluku. Mwiwaashututele, yoori khaazi zaya ziiye furaha na ehiiye etthu yoolemela, maana toowo khayaari wiiya etthu ya fwayita khwa mweeyo.

Luuka 16:2

Ye khunkhuwelisa khumuuzela yoori: ‘Niini epi kinsiilaazo onrettaazo weeyo? Otiise warakha za hisapu koone etthu oretteliyeeyo nzurukhu aka, maana khunteela orutela wiiya namalokozela wa anakhaazi.’

2 Timootiyu 1:11

Khwa hapari etthiipo miiyo karettiwa wiiya namatafusiri, aswihaapa na namanozela.

Yaahaya 3:10

Yinsa khujipu araka: “Weeyo o mwaaliimu wa nti wa Ezirayiilu khiniweeleya vitthu epo?

Matewuzhu 10:24

“Nakhiyoni khaninziti mwaaliimu awe, wala karumeya khaninziti Mbwana awe.

Luuka 6:37

“Mwihimphuke nzeenu yoori mwihiphukiwe; mwihinhukhumu nzeenu yoori mwihihukhumwiwe; mwinswaamihi nzeenu yoori mwiswaamihiwe.

Matewuzhu 9:11

Mafwarizeewu nawoona toole khuwoozela anakhiyoni awe araka: “Mwaasa wa niini mwaaliimu enu ajaka na anamariphisa lumpuru na anatwampi?”

Khaazi 13:1

Ojama wa Nluku wa Antiyookiya aarivo manapiyu na anamanozela, Baranabe, na Simiyooni aari wiittheliwaaye Wooriipa, Luusiyu wa Sireene, Manayimu aaleliweeyo vamote na nsatoro Herooti wa phiiri na Sawulu.

Tiyaaku 1:16

Attwiizaku aphetani aka, mwihijilikhelele mwihatiwaka.

Tiyaaku 1:19

Attwiizaku aphetani aka, mwijuwe mattakhuzi apa, wakhula ntthu eeye woosiileza saana, woorupaza ottakhula na woorupaza okatipukha.

Tiyaaku 3:10

Khwa nlomo mmote otthuupo ninsarulamo siifwa na laana. Attwiizaku, mwihiiye toowo.

Matewuzhu 23:14

Olaanikha pu weenu mweeyo anamanozela a kano na mafwarizeewu, manaafikhi, maana mwimpala maali za anamfweliwa pi amannazaya na ojitapwatelana oretta lompa zoolepa; khwa etthiipo mwinteela ohukhumwiwa saaneene.