Tiyaaku 1:3 - Hapari Zooshapweya

³ mwijuwaka yoori wootiwa wa amini yenu ontana nthiti.

Tiyaaku 1:3 Referans Kwoze

Meepereewu 10:36

Mweeyo mwinhithajiya wiiyana nthiti, yoori amana mwiretta etile yiiyiye ya matakhelo a Nluku, mwipokhere etile ahitiyeeyo.

Akoloosu 1:11

Nininvekela Nluku yoori mwikhomaazaniwe owahi wooshi, khwa kuvu za siifwa yawe, yoori mwiiyane nthiti looshi na ovilela.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

Arooma 15:4

Maana zooshi zaatikhiweeyo asulani zaatikhiwa yoori enisomise, khwa nanna, yoori khwa nthiti na olipiseliwa onlankhaaye Zawaatikhiwa Ttakatthiifu elipisele nroromelo eetthu.

2 Pheeturu 1:6

va ojuwa, ojishintta omweenyewe; va ojishintta omweenyewe, nthiti; va nthiti, emaani;

Arooma 8:25

Ila amana niwejaka etile nihinoonaaye, ninweja na ovilela.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

2 Atizaloonika 3:5

Yoori Mbwana eettettise rooho zenu mweeyo khwa pheta ya Nluku na nthiti khwa Al-Masiihu.

2 Atizaloonika 1:4

Khwa ethiito fweeyo ninjittitthimisa khwa mweeyo vakatthi wa ojama nkina wa Nluku khwa nthiti na amini mwithonyeziyeeyo mweeyo muulupatthiwa na mwivilelaka miswipa.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Luuka 21:19

Muuvilela weenu phi mwinttelaamo othokorela nafusi yenu.”

Meepereewu 6:12

yoori mwihiiye nkhama atthu ooviliwa, ila mwiweezele apale khwa amini na ovilela apwekhereliyeeyo erathi etile Nluku ahitiyeeyo.