Tiyaaku 1:21 - Hapari Zooshapweya

²¹ Nakataalikha, mwilikhe vitthu zooshi zootakhala na zoohifwayi, mwipokherele na ojipushuwisa nttakhuzi nttinttho likheyiweeyo liriina owahi wa wuusuru nafusi zenu.

Tiyaaku 1:21 Referans Kwoze

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

1 Pheeturu 2:11

Aphetani aka, kinuutumerelani nkhama aletto na anamasaafiri a va olumwenku, mweeyo mwina ya wanswi tuvela za onaatamu etthiipo zinuumananaaye nafusi.

Yaahaya 6:63

Rooho ya Nluku eninkha ohaayi, ila mwiili khuna fwayita. Mattakhuzi apa kiwuuziyeenini pi a rooho na ohaayi.

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

Meepereewu 12:1

Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Tiyaaku 4:8

Mwimwaattame Nluku na ye ontta owaattamani! Moose makhono enu, anatwampi! Mweeyo mwiriina shawuri zawaawanyeya, mwitwahareshe rooho zenu!

Tiitu 2:11

Maana rehema ya Nluku yajithoonyeza wuusuru khwa anaatamu ooshi.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Meepereewu 4:2

Maana natafusireliwa hapari zooshapweya etthiipo atafusireliweezo yo, ila hapari epo asiiliyeeyo khattheleeni fwayita, maana khalokoziweeni ti amini apale asiiliyeeyo.

Meepereewu 2:3

ninttela owerawera toovi hukhumu, amana nitarawu nusura khuluyeene? Ethiito elaleyiweeyo omwanzweene ti Mbwana, khuhakikhisiwa pi apale asiiliyeeyo.

1 Akorintiyu 15:2

Khwa hapari zooshapweya etthiipo mweeyo mwa wuusurukha, amana mwikholelela woolipanavo nttakhuzi kuutafusireliyeenini; woohiiyi toowo, mweeyo mwakhupali mahala.

Arooma 6:17

Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

Yaahaya 6:68

Simawu Pheeturu khujipu yoori: “Ninttela onlotta paani? Weeyo onaaye mattakhuzi a ohaayi wa mileele.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Khaazi 13:26

“Attwiizaku aana Eburahiima na mweeyo akina aya mwinimoovaaye Nluku, fweeyo naperekheziwa hapari epi za nusura.

1 Pheeturu 1:9

maana mweeyo mwimpattha nusura yiiyiyeeyo mwiisho wa amini yenu.

Arooma 11:17

Amana virapi kiina zishijiwa, aphano weeyo, wiiyiye muutthi wooliveera wa ntthuttu, waluttaniwa khwa oluveera mikinoko na ori vamote na oronkovu ontaaye khwa ntathaari wa oluveera woozaliwa.

Khaazi 10:33

Aphano, miiyo khuwaaruma atthu wuuteela nasaapiru, kinuushukhurwela mwaasa wa ota. Nasaapi eti fooshi niri omaasho wa Nluku yoori nisiile wakhula etile Mbwana oorumiyeeyo onuuza.”

Matewuzhu 5:5

Ooparikhiyiwa pi apale oojipushuwisa, maana yo anteela orithi olumwenku.

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

Ayeefezu 5:4

Wala mwihisala mwipiya mwaasa wootakhala, mattakhuzi enu ahisala eeya ohifwayi ama oophuja epo zaya khiniweezani, mattakhuzi enu ana ya wiiya onshukhurwela Nluku.

Ayeefezu 4:25

Nakataalikha, wakhula mmote wa mweeyo mwina yoolikha ohata, mwisala mwittakhula haakhi na azeenu, maana fooshi na a mwiili mmote.

Tiyaaku 5:20

ojuwe yoori otule aninruutisaaye natwampi khwa tarikhi yawe yoovonyeya, onuusuru nafusi yawe ntthu otule muufwa na onswamihisa twampi zawe zawaatta.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.