Tiyaaku 1:12 - Hapari Zooshapweya

¹² Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

Tiyaaku 1:12 Referans Kwoze

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Tiyaaku 5:11

Moone, fweeyo ninoona oparikhiyiwa apale anthonyezaaye nthiti. Mweeyo mwasiila elupiwaka ovilela wa Ayupa na mwinjuwa omwiisho waya nanna Nluku amparikhiyiyeezo, mwaasa yoori Mbwana ona huruma yawaatta na tthakaraka.

Arooma 8:28

Ninjuwa yoori apale animphetaaye Nluku na awaakhuweliyeeyo khwa shawuri zawe, zooshi ziniweettettela saana.

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

1 Akorintiyu 9:25

Ooshi apale anchiraanaaye aniiyana wakathi woojitthenkeza wookhomaalavo, yoori apatthe jarata eniishaaye; ila fweeyo ninretta yoori nipatthe jarata yookhomaala khwa mileele.

1 Pheeturu 3:14

Khwa zooshi, hatha nkhama mwintta ohoowa mwaasa wa weettettisa shariya, mweeyo mwinttela wiiya oparikhiyiwa. “Mwihoove epile yo anoovaaye, mwihisuthuwe.”

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

1 Pheeturu 5:4

Amana ata Nshuki Nwulu, mweeyo mwinteela opwekhera jarata ya siifwa ehinishaaye waara waya.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

1 Pheeturu 4:13

Ila mwifurahi mwaasa wa oretta phantte ya ohoowa wa Al-Masiihu, yoori amana ottitthima wawe othoonyeziwa, mweeyo mwitthape khwa furaha khuluyeene.

1 Akorintiyu 8:3

Ila otule animphetaaye Nluku, oto onjuwiwa ti Nluku.

Othoonyeziwa 3:19

Miiyo kiniwaashowera na kiniwaalikhisa apale kiniwaaphetaaye. Tiito, mwijipayini na mwithupwiye.

Meepereewu 10:32

Mwifikhiri siikhu epile za mwanzo paata ya mweeyo omwasikheliwa, mwavilela viittha zawaatta na ohoowa mwinkeene.

Meepereewu 6:15

Yaarettikhaniye etthiipo, paata ya Eburahiima owejela na ovilela, khweele ye aapatthiye etile ahitiweeyo.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Meepereewu 11:17

Khwa amini, Eburahiima wakathi oototiweevo ti Nluku, anvahiye mwanawe Esiyaakha nkhama twaha; otule ampwekhereliyeeyo khwa ahiti, aasaleliye onretta twaha mwanawe mmote paasi,

1 Yaahaya 4:19

Fweeyo ninimpheta Nluku maana ye anipheta omwanzo.

Olaawo 20:6

ila kintthantta na tthakaraka mpakha khapila alufu epile zinikiphetaaye na zinshututelaaye oruma waka.

Meepereewu 12:5

Mweeyo mwasahawu mattakhuzi a furaha apale aari wuulipiselanaanini Nluku awinkhiyeenini nkhama aanaawe araka: “Mwanaka, ohitarawu olikhisiwa ti Mbwana, wala mwihitteettheye amana ye ooshowerani.

Mwanzo 22:1

Paata yoovira nyaakha, Nluku aamweeziye Eburahiima, khunkhuwela araka: “Eburahiima!” Ye khujipu yoori: “Lapeekha!”

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Arooma 5:4

ovilela mwentto wawooneya, na mwentto wa wooneya nroromelo.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.