Tiyaaku 1:1 - Hapari Zooshapweya

¹ Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

Tiyaaku 1:1 Referans Kwoze

1 Pheeturu 1:1

Miiyo Pheeturu, aswihaapa wa Yinsa Al-Masiihu, kiniwaatikhela warakha eti ananthawuliwa a Nluku amwazeyeliyeeyo nti wa Pontu, Kalaasiya, Kapatosiya, Aaziya na Bitiiniya,

Yaahaya 7:35

Mayaahuuti khusala oozelana atthaaporu yoori: “Ontta vayi mwinyi aya otu nihinttelaaye onsikana? Talili onttela wiikhala na mayaahuuti apale aniikhalaaye malaponi, ama onttela owaasomisa akereeku?

Khaazi 8:1

Sawulu aakhupaleliye wuuliiwa wa Shiteevawu. Siikhu zaya epile yaapuwiye lupattha khuluyeene ya ojama wa Nluku wa Yeruzaleemu wooshi, khumwazeyela miti za Yudeya na Samariiya, owaalikha maaswihaapa.

Khaazi 26:7

Ethiito mahimo apale khumi na mawiri, aari owejelaaye ansifwaka Nluku na rooho yaya yooshi osikhu na nthana. Oo mfwalume, mwaasa wa nroromelo otthuupo, ti kinlokovezeliwaaye vitthu, pi mayaahuuti.

Khaazi 15:23

Alawaka khwinkhiwa warakha yaari olupaaye yoori: Fweeyo attwiizenu, maaswihaapa mpakha attunkhulu a ojama wa Nluku: Ninuuperekhezani salamu. Mweeyo mwiiyiye attwiizetthu amalapo mwiniikhalaaye Antiyookiya mpakha nti wa Siiriya na Siliisiya.

Tiitu 1:1

Miiyo Paawulu, karumeya wa Nluku na aswihaapa wa Yinsa Al-Masiihu khwa oweettana ananthawuliwa a Nluku nkatthi wa amini yoori ajuwe haakhi eniwettanaaye muukemaani;

Akaalata 2:9

Aphano Tiyaaku, Pheeturu na Yaahaya aakhupaliweeyo wiiya anamalokozela, ajuwiyeevo rehema enkhiweeyo ti Nluku, khookoleliwa nkhono nlume, miiyo na Baranabe nkhama alama ya osiilana. Khukhupalela yoori fweeyo ninttela okhola khaazi vakatthi wa amalapo na yo vakatthi wa apale ookhiriya.

Khaazi 15:13

Paata ya yo wiisha ottakhula, na ye Tiyaaku khusala attakhula araka: “Attwiizaku, mwikisiileze.

Arooma 1:1

Miiyo Paawulu, karumeya wa Yinsa Al-Masiihu, kakhuweliwa yoori kiiye aswihaapa, kithawuliweeyo yoori kilaleye hapari zooshapweya za Nluku,

Khaazi 21:18

Mmeesho mwaya Paawulu khulawa vamote na fweeyo okutthanana Tiyaaku na attunkhulu a ojama wa Nluku ooshi aari attaaphale.

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Matewuzhu 19:28

Yinsa khuwooza araka: “Miiyo kiniwuuzani khweele yoori, amana ofiya wakathi Nluku anttelaaye waattala zooshi opheeya na Mwaana wa Pinaatamu eekhala va khukulu ya siifwa zawe, mweeyo mwinikilottaaye mwinttela wiikhalela khukulu khumi na piiri yoori mwiphuke mahimo khumi na mawiri a Ezirayiilu.

Yuuda 1:1

Yuuda, mwiitthwaana wa Yinsa Al-Masiihu, ttwiiye Tiyaaku, apale akhuweliweeyo, oophetiwa ti Nluku Paapa na athokoreliweeyo ti Yinsa Al-Masiihu:

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Afiliipu 1:1

Miiyo Paawulu na Timootiyu, akarumeya a Al-Masiihu Yinsa, niniwaatikhela attakatthiifu ooshi a Yinsa Al-Masiihu aniikhalaaye sitati ya Filiipu, attunkhulu awulu a ojama wa Nluku na anamarumeya a ojama wa Nluku.

Akaalata 2:12

Maana ahinate atthu akinoko oolankha phantte ya Tiyaaku, ye aari ojaka vamote na amalapo; ila paata ya ota eetta ojiphakhula wa amalapo, oovaka khuntti etile yaari okhanyarelaaye yoori mamuumini ana ya okhiriya.

Akaalata 1:19

Woohimooni hatha aswihaapa nkina woohiiyi Tiyaaku ttwiiye Mbwana.

Khaazi 15:21

Waaza raku kano za Munsa zaari otafusiriwa wakhula sitati na zaari osomiwa mmasinakooka wakhula saapatu.”

Khaazi 1:13

Noofiya khuvira nnyupa vatulu nhali amakiyeemo. Aarivo: Pheeturu, Yaahaya, Tiyaaku na Antere; Filiipe, Tome, Parutulumeewu Matewuzhu; Tiyaaku mwaana wa Alufeeyu, Simawu Zelooti, na Yuuda mwaana wa Tiyaaku.

Matewuzhu 13:55

Otu khahi mwaana wa kalapinteero? Nzina la mamaawe khahi Mariyamu, attwiize khayi Tiyaaku, Yuusufu, Simawu na Yuuda?

Khaazi 12:17

Ye khulansa nkhono awe khuwenkha alama yoori eeye oonyamala, khusala awaathatelela nanna Mbwana anlaziyeemo nkalapooso na khuwooza yoori: “Mattakhuzi apa mwinjuwise Tiyaaku na attwiizetthu.” Khulankha khusala alawa phantte kiina.

Othoonyeziwa 7:4

Aphano kisiila thamani ya apale apharisiiweeyo: Alufu miiya na arupayiini na nne, khwa mahimo ooshi a Ezirayiilu.

Khaazi 2:5

Aphano Yeruzaleemu aariwo mayaahuuti, ooshapweya rooho na omoova Nluku a khapila zooshi za olumwenku.

Luuka 22:30

yoori mwije na mwinywe vameeza vaka muufwalume mwaka, na mwiikhale va khukulu ya ofwalume yoori mwiphuke mahimo khumi na mawiri a Ezirayiilu.

Matewuzhu 10:3

Filiipe na Parutulumeewu; Tome na Matewuzhu, namariphisa lumpuru; Tiyaaku mwaana wa Alufeeyu na Tadeewu;

2 Timootiyu 4:21

Orette thenke ote ohinafiye mwiita. Epulu, Puteti, Liino, Kalaawutiyu na attwi ooshi ooperekheza salamu.

Khaazi 23:26

“Miiyo Kalaawutiyu Liisiya, kiniwaatikhela nsatoro nwulu Feelishi, Salamu.

Luuka 6:15

Matewuzhu, Tome, Tiyaaku mwaana wa Alufeeyu, na Simawu aniitthiwaaye Zelooti,

Maaruku 3:18

Antere, Filiipe, Parutulumeewu, Matewuzhu, Tome, Tiyaaku, mwaana wa Alufeeyu, Tadeewu, Simawu Zelooti,