Tiitu 3:5 - Hapari Zooshapweya

⁵ ye anuusuru mwaasa wa onihurumiya, khahiyo yoori neetta oretta etthu yooshapweya. Anuusuru khwa owahi wa Rooho Ttakatthiifu, etile enoosiyeeyo, khunikaphula na khuninkha ohaayi mpheya.

Tiitu 3:5 Referans Kwoze

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

1 Akorintiyu 6:11

Akinoko a mweeyo mwaari etthiipo, ila moosiwa, mwattakatthisiwa, mwahakikhiwa khwa nzina la Mbwana Yinsa Al-Masiihu na khwa rooho ya Nluku eetthu.

1 Pheeturu 3:21

Nasaapi eti maati apo anthoonyeza njampo la woosa liniwuusurwaanini mweeyo, khahiyo mwaasa wa olaza ttaakha za mwiili, ila khwa ahiti ya akhili zooshapweya mmakhono wa Nluku khwa osisimuwa wa Yinsa Al-Masiihu,

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Ayeefezu 2:4

Ila mwaasa wa Nluku wiiya thaajiri wa tthakaraka na mwaasa wa pheta khuluyeene ariinaaye na-fweeyo,

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

Arooma 11:6

Na nkhama mwaasa wa rehema, khahiyo theenya khwa khaazi; eriwaka yaari etthiipo, rehema khayaari wiiya rehema.

Meepereewu 4:16

Apho naattame khukulu ya rehema na nroromelo wooshi, yoori nipwekhere tthakaraka na napatthe rehema ya onaawuni wakathi woohithajiya.

Akoloosu 3:10

na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.

Akaalata 2:16

Ila ninjuwa yoori pinaatamu khanihakikhiwa mwaasa wa oretta etile kano enrumaaye, ila khwa amini ya Yinsa Al-Masiihu, na fweeyo theenya namayaahuuti nankhupali Yinsa Al-Masiihu yoori nipatthe ohakikhiwa ti amini khwa Al-Masiihu. Khahiyo mwaasa wa mwentto wa kano, maana khina ntthu anttelaaye ohakikhiwa ti kano.

Arooma 3:20

Nakataalikha, khaavo anttelaaye ohakikhiwa omaasho wa Nluku khwa khaazi za kano. Maana khwa kano najuwa twampi.

1 Pheeturu 2:10

Raku mweeyo hatha vattitthiiru khamwaari atthu awe, ila aphano mwa atthu a Nluku; mwaari mwihinapwekherele tthakaraka, ila aphano mwapwekherela.

Ayeefezu 4:23

enhithajiya yoori rooho zenu na mmwishwa mweenu wiiye woozukulisiwamo saaneene,

Arooma 3:28

Maana niniishelana nilupaka yoori pinaatamu onhakikhiwa mwaasa wa amini, khahiyo mwaasa wa khaazi za kano.

Arooma 9:11

Yoori matakhelo a Nluku eeye nkhama othawula woohiishi woohiiyi khwa khaazi, ila khwa otule ankhuwaaye; nakataalikha, khapulathi amaphapo ahinavokoliwe ama ahinarette hatha etthu yooshapweya ama yootakhala,

Luuka 1:78

maana Nluku eetthu tu wa huruma. Onteela othoonyeza nuuru yawe vakatthi veetthu,

Luuka 1:54

Amwaawuni karumeya awe Ezirayiilu, oopuwelaka emaani aarinaaye

Luuka 1:50

Ye oniwaahurumiya atthu a khapila zooshi apale animoovaaye.

Tiitu 3:4

Ila paata ya ojithoonyeza emaani ya Nluku Namuusuru eetthu na pheta yawe khwa anaatamu ooshi,

Arooma 9:30

Apho nilupe niini? Amalapo ahaariweekesaaye okhupaliwa, apattha okhupaliwa nkatthi wa amini;

Arooma 9:16

Nakataalikha, epo khinrettiwa khwa tuvela ama kuvu za onaatamu, ila khwa tthakaraka ya Nluku.

Arooma 4:5

Olikha toowo, otule ahinkholaaye khaazi za kano, ila ankhupalaka Nluku, aninhakikhaaye kaafiri, amini yawe enkhupaleliwa nkhama shariya.

Luuka 1:72

Yoori athoonyeze huruma etile awaahitiyeeyo amarehemu apapazetthu, na oopuwelaka wahati woottakatthifu aarettiyeeyo na yo.

Meepereewu 6:6

ila khwanswi amini, khiniwaheya orutiseliwa othupwiya, maana aninkhomela opheya Mwaana wa Nluku anveyisaka vamwanttiwa.

Matewuzhu 3:11

“Miiyo kiniwoosani na maati yoori mwithoonyeze othupwiya. Paata ya miiyo, onta nkina ariina owahi zayita miiyo, wala akina makhaamu oothuula jampali zawe. Ye onttela owoosani na Rooho ttakatthiifu na moottho.

Arooma 11:14

kiroromelaka yoori koone nkhama khwa nanna kiina kintothela wiivu khapila yaka na owuusuru akina.

Meepereewu 10:22

apho nlaweni nimwaattame Nluku na rooho yookhweele na amini khaamili, na rooho zootwahareshiwa khwa akhili za paathuli na wiiyana mwiili wawoosiwa ti maati oohalalishiwa.