Tiitu 2:13 - Hapari Zooshapweya

¹³ naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

Tiitu 2:13 Referans Kwoze

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

1 Akorintiyu 1:7

khwa nanna ehinuusaleeleenini hatha tthuvo ttakatthiifu, mwiwejelaka othoonyeziwa wa Mbwana eetthu Yinsa Al-Masiihu.

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Maaruku 14:62

Yinsa khujipu yoori: “Miiyo ki othuuto, na mwinlawa mwamoone Mwaana wa Pinaatamu eekhaliye nkhono nlume wa Nluku wa Owahi Zooshi, na ataaka mmawiku a pinkuuni.”

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Arooma 5:5

Na nroromelo aya opo khunnitarawu, maana Nluku eetthela pheta yawe nroho mweetthu khwa Rooho Ttakatthiifu, ethiito aninkhiyeeyo.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

1 Pheeturu 1:7

Enrettikhana etthiipo, yoori yooniwe amini mwiriinaaye ya fwayita zayita weero enaashikhaaye hatha nkhama yeetta ofuliwa ti moottho, amini yenu enihithajiya wooniwa nkhama ti yookamilikha. Toowo phi mwinipokheraavo siifwa, ottitthima na hishima, siikhu Yinsa Al-Masiihu anttelaaye othoonyeziwa.

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

2 Timootiyu 4:1

Omaasho wa Nluku na wa Yinsa Al-Masiihu, anteelaaye owaaphuka atthu awoona na ananfwa, khwa ojithoonyeza wawe na ofwalume awe, miiyo kinuutumerela toono:

2 Akorintiyu 4:6

Ila Nluku ti alupiyeeyo yoori: “N'yiiza emwasikhelemo nuuru”, na ti othuuto amwasikheliyeeyo nroho mweetthu, khwa ojuwa wa siifwa za Nluku omaasho wa Yinsa Al-Masiihu.

Khaazi 24:15

Na kinaaye nroromelo khwa Nluku otthuupo arinaaye apa yoori owaapho osisimuwa wa anahaakhi na apale ohiina haakhi.

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

Othoonyeziwa 1:7

Moone! Ye onta mmawiku, maasho ooshi anteela omoona, hatha apale anshomiyeeyo na nkokhi; atthu ooshi a voolumwenku anteela ojiliza mwaasa wa ye. Enttela orettikhana etthiipo! Amiina.

Tiitu 3:4

Ila paata ya ojithoonyeza emaani ya Nluku Namuusuru eetthu na pheta yawe khwa anaatamu ooshi,

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

1 Yaahaya 4:14

Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

Akoloosu 1:5

mwaasa wa nroromelo mwipweheliweeyo pinkuuni. Otthuupo mweeyo mwisiiliyeeyo khwa nttakhuzi la haakhi, hapari zooshapweya

Matewuzhu 26:64

Yinsa khujipu yoori: “Weeyo walupa. Ila miiyo kiniwuuzani mooshi mweeyo yoori, enttela ofiya siikhu mwinttelaaye omoona Mwaana wa Pinaatamu eekhaliye nkhono nlume wa Nwahi Zooshi, ataaka khwa mawiku a pinkuuni.”

Matewuzhu 25:31

“Amana Mwaana wa Pinaatamu ata nsiifwa mwawe na malayikha ooshi, onttela wiikhala vakhukulu vawe ya nuuru ya pinkuuni.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

2 Atizaloonika 2:8

Aphano onttela othoonyeziwa ntakhali, othuuto Mbwana Yinsa anttelaaye omuula na pheevo ya nkhanyo mwawe na ontapanya khwa ojithoonyeza wa ota wawe.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

Arooma 8:18

Kinkhupalela yoori ohoowa weetthu nasaapi eti, khunlikanisaniwa siifwa enttelaaye othoonyeziwa khwa fweeyo.

1 Timootiyu 1:1

Miiyo Paawulu, aswihaapa wa Yinsa Al-Masiihu khwa oruma wa Nluku Namuusuru eetthu na wa Yinsa Al-Masiihu nroromelo eetthu,

2 Timootiyu 1:2

kiniwaatikhela weeyo Timootiyu mwanaka wompheta waka nkatthi wa amini: Rehema, tthakaraka na heeri ya phantte ya Nluku Paapa na Yinsa Al-Masiihu, Mbwana eetthu yiiye vamote na weeyo.

Tiitu 1:4

Kiniwaatikhela weeyo Tiitu, mwanaka weekhweele khwa amini yeetthu fooshi: Rehema na heeri ya phantte ya Nluku Paapa na ya Yinsa Al-Masiihu, Namuusuru eetthu.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.