Tiitu 2:12 - Hapari Zooshapweya

¹² Rehema enninozela olikha okaafiri na tuvela za olumwenku, khwaaza wiikhala meekhazi oojiitthaaza, a shariya na waamineya khwa Nluku wakathi otthuupu,

Tiitu 2:12 Referans Kwoze

Matewuzhu 16:24

Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Arooma 6:19

Kinttakhula nkhama pinaatamu mwaasa wa otteettheya weenu wa onaatamu. Nkhama etthiipo mwenkheleliyeeyo phantte za mwiili enu sawasawa mmakhono wa zoohifwayi na zootakhala zintanaaye zootakhala. Apho enasaapi eti mwinkhelele phantte za mwiili enu mwijirette wiiya aviitthwaana a shariya onuuttakatthisaanini.

2 Pheeturu 2:9

Nakataalikha, ninoona yoori Mbwana onjuwa owaataphula atthu apale a emaani khwa wootootiwa na khuwaapweha makaafiri vathi wa hukhumu ya siikhu ya ophukiwa,

1 Yaahaya 2:6

otule anraaye onlipana ye, oto ona yaweettetta nkhama ye eettettiyeezo.

2 Timootiyu 3:12

Weekhweele apale antakhaaye wiikhala wa emaani khwa Yinsa Al-Masiihu aniiya oolupatthiwa.

Othoonyeziwa 14:12

Ntthi nthiti la attakatthiifu anshututelaaye oruma wa Nluku na anaamineyaaye khwa Yinsa.

Luuka 1:75

woottakatthifuvo na washariyavo omaasho wawe siikhu zooshi zoohaayi etthu.

1 Atizaloonika 4:7

Maana Nluku khanikhuweleeni yoori niiye oohifwayi, ila yoori niiye attakatthiifu.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.

1 Atizaloonika 4:9

Monkoni wa pheta ya attwi, khinihithajiya owaatikhelani, maana Nluku mweenyewe awaasomisa yoori mwina ya ophetana mmote na nzeenu.

Ayeefezu 2:2

Etthiipo mwaazowereliyeezo, wakathi mwaari olottelaaye oruma wa olumwenku na owahi wa ofwalume wa rooho ya etulutulu yiiyiyeeyo sheethwani, rooho ethiito eniweettettisaaye apale aniikhalaaye muukhijili.

Arooma 12:2

Mwihijilipisane menttezi a olumwenku opu, ila mwizukuliseye khwa ozukuluwa wa akhili zenu, yoori mwiiyane makhaamu aweezelela na wootela yooshapweya, otuva na khaamili niiya ya Nluku.

Arooma 6:12

Nakataalikha mwihilikhelele twampi orutela oshintta mwiili enu onfwaaye, zuurettisakani oshututela tuvela zenu.

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

1 Yaahaya 2:27

Ila othawaziwa opu mweeyo mwipwekheriyeeyo khwa ye olipe khwa mweeyo, na khamwinihithajiya osomisiwa ti hatha ntthu. Othawaza wawe wiiyiyeeyo haakhi na woohivonyeyi onuusomisani vitthu zooshi, tiito, mwilipane otthuupo nkhama etthiipo ye oosomisiyeenini.

2 Pheeturu 3:11

Maana vitthu zooshi zinteela wiiya etthiipo zootapanyiwa, mweeyo mwinhithajiya wiiya atthu a nanna ni? Mwina ya wiikhala khwa nanna ttakatthiifu na ya emaani,

Meepereewu 8:11

Khaavo theenya anttelaaye onsomisa namwaattamanani awe wala ttwiiye, araka: ‘Onjuwe Mbwana,’ maana yo ooshi anteela okijuwa, waaza nttitthiiru mpakha nwulweene.

1 Timootiyu 6:17

Monkoni wa mathaajiri voolumwenku apha, owaahirimize yoori ahisala ajinkhelela, wala thwaama zaya ahitthe nkatthi wa maali epile zoohilipaneyi; ila thwaama zaya atthe wa Nluku, Ye oninkha wa waattavo vitthu zooshi yoori nisala nijirela.

1 Timootiyu 4:12

Ahiiyevo antakhaaye wuutarawu mwaasa wa wiiya shaapu, ila khwa ottakhula wawo, menttezi awo, pheta, amini na wookemaanivo wiiye nthoonyezo wa anamwaamini.

Akoloosu 1:22

Ila aphano Nluku ajisiilanisana vitthu zooshi, khwa ofwa wa Mwanawe, yoori mwajithoonyeze omaasho wawe mwiri attakatthiifu oohiina hatha paathuli na ootaphuliwa khwa wakhula nanna ya olokoveziwa.

Akaalata 5:24

Atthu apale ankhupaliye Yinsa Al-Masiihu akhomela onaatamu na tuvela zaya na zootakha zaya.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

2 Akorintiyu 1:12

Opo ojishashawula weetthu: akhili zeetthu enlaza oshaahiti yoori khanilokoziweeni ti olumwenku, ila osiilana weetthu na mweeyo khwa ottakatthifu na ookhweele onlankhaaye wa Nluku, woohiiyi khwa ojuwa wa enaatamu, ila khwa rehema ya Nluku.

Arooma 8:13

Maana, amana mweeyo mwiikhala khwa nanna ontakhaazo onaatamu, mwintta ofwa; ila khwa rooho amana muula tuvela za mwiili, mwiniiya haayi.

Khaazi 24:25

Ila wakathi Paawulu aaziyeevo ottakhula monkoni wa ohaayi wa shariya, ojishintta omwenyeweru na siikhu ya ophukiwa, Feelishi khwiiya wawoova na khuri: “Paasi! Saruwa, amana kuutakha kintta wuukhuwela theenya.”

Khaazi 24:16

Khwa attaapho theenya kinjilipisa yoori kiiyane rooho swaafi omaasho wa Nluku na wa anaatamu.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

Ayeefezu 1:4

Olumwenku ohinompiwe, Nluku anithawula rakuzeene khwa Yinsa yoori niiye attakatthiifu na niiye atthu oohiina paathuli mmakhono mwawe.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 6:25

Nonsikana kaapu ya ntthatta, khumuuzela yoori: “Rabi, wafiya lini okhuno?”

Luuka 1:6

Oowiiri aari atthu ookhweele nkatthi wa mwentto wa Nluku na ooshututela wa wawamineyavo kano na oruma wooshi wa Mbwana.

Yuuda 1:18

Yo awuuzani mweeyo yoori: “Siikhu ya mwiisho anteela opuwa anamattukhana anttelaaye olottela tuvela zaya za okaafiri.”

2 Timootiyu 4:10

Ila Teema akanswi eetta Tizaloonika mwaasa wa opheta olumwenku. Kereseti eetta Kalaasiya, Tiitu eetta Talamaasiya.

Matewuzhu 12:32

Wakhula otule anlupaaye nttakhuzi la omuumanana Mwaana wa Pinaatamu onswamihiwa, ila otule anttakhulaaye wawuumananavo Rooho Ttakatthiifu khanswamihiwa, waaza nasaapi eti mpakha okhu ninttaawo.

1 Timootiyu 6:9

Ila apale aneekesaaye oreela ankwela muuzayiniwa na mmiraakho za sheethwani, alottelelaka tuvela zoololo zimpwetechaaye. Etthiipo eniwaatupweeza muuthowelela na nwantipweya.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.