Tiitu 2:11 - Hapari Zooshapweya

¹¹ Maana rehema ya Nluku yajithoonyeza wuusuru khwa anaatamu ooshi.

Tiitu 2:11 Referans Kwoze

1 Timootiyu 2:4

Ye ontakha yoori eeye awuusurukha atthu ooshi na ajuwe haakhi.

Ayeefezu 2:8

Khwa rehema moosurukha vakatthi wa amini, epo zaya khinlankha khwa mweeyo, tthuvo ya Nluku,

Meepereewu 2:9

Namoona, otule arettiweeyo wiiya nttitthiiru zayita malayikha, Yinsa, enkhiwa jarata ya hishima na ya siifwa mwaasa wa ohoowa na ofwa, yoori khwa rehema ya Nluku, khwa zwaamu ya atthu ooshi, ootele ofwa.

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

Arooma 5:15

Nakataalikha khawiivo olattisa tthuvo na ovonya. Maana khwa ovonya wa ntthu mmote paasi afwa atthu awaatta, ila yatepa rehema ya Nluku, eto tthuvo khwa rehema ya ntthu mmote paasi, Yinsa Al-Masiihu yawaafiyela atthu awaatta!

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

Luuka 3:6

Atthu ooshi anteela woona nusura ya Nluku.’ ”

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Akaalata 2:21

Akinfuja rehema ya Nluku; maana nkhama shariya enta khwa kano, ofwa wa Al-Masiihu khuna fwayita!

2 Akorintiyu 6:1

Nkhama ashirikha a Nluku nkatthi wa khaazi, ninuutumerelani yoori mwihipwekhere rehema ya Nluku mahaleene.

Khaazi 13:47

Etthiipo Mbwana aniruma yoori: “ ‘Miiyo kuuretteni mweeyo onuuru ya amalapo, yoori mwithuule nusura mwilawane mpakha okhu wiisheliyeewo olumwenku.’ ”

Khaazi 13:43

Paata ya wiisha nkutthaano, mayaahuuti awaatta na atthu akina asilimweliye oyaahuuti khusala anlotta Paawulu na Baranabe. Yo khusala awaalipisela awoozaka yoori ajilipesena rehema ya Nluku.

Yaahaya 1:9

Nuuru yeekhweele, eniwaamwasikhelaaye anaatamu ooshi, yata voolumwenku.

Luuka 24:47

na khwa nzina lawe onlawa walaleyiwe othupwiya yoori ziswaamihiwe twampi, waaza Yeruzaleemu mpakha khapila zooshi za va olumwenku.

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

2 Timootiyu 4:17

Ila Mbwana khwiiya phantte yaka na khukinkha kuvu, yoori khwa miiyo hapari elaleyiwe saaneene na amalapo ooshi asiile. Miiyo khutapuliwamo nkhanyo wa siipa.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Arooma 10:18

Ila miiyo kinuuzela yoori: Yo khasiileeni? Khweele pi etthiipo asiila, nkhama etthiipo enlupaazo Zawaatikhiwa Ttakatthiifu yoori: “Olumwenku wooshi yasiileya huula yawe, na mattakhuzi awe mpakha okhu wiisheliyeewo olumwenku.”

Khaazi 17:30

Raku, Nluku khazaari onjali vitthu zaya epo, ila aphano alupa yoori atthu a phantte zooshi athupwiye.

2 Timootiyu 1:10

Ethiito ethoonyeziweeyo enasaapi eti khwa ojisarulela wa Namuusuru eetthu, Al-Masiihu Yinsa. Ye ashintta owahi wa ofwa na khutiisa nuuru, ohaayi na ohifwi khwa hapari zooshapweya.