Tiitu 1:3 - Hapari Zooshapweya

³ Khwa wakathi khaamili, ye atana nuuru khwa nttakhuzi lawe monkoni wa tafusiiri kinkheleliweeyo khwa oruma wa Nluku, Namuusuru eetthu.

Tiitu 1:3 Referans Kwoze

1 Timootiyu 1:11

Mwentto opo ori nhapari zooshapweya zinlankhaaye nkatthi wa nuuru ya Nluku wa parakha, kinkhiweeyo miiyo olaleya.

1 Timootiyu 1:1

Miiyo Paawulu, aswihaapa wa Yinsa Al-Masiihu khwa oruma wa Nluku Namuusuru eetthu na wa Yinsa Al-Masiihu nroromelo eetthu,

Tiitu 2:10

ama oweeyela ambwana zaya, ila ana yoothoonyeza saaneene wiiya atthu awaamineya, yoori epile anrettaazo, atthu anttela olupeza vitthu zooshapweya masomi a Nluku Namuusuru eetthu.

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

1 Timootiyu 2:3

Epo pi ziiyiye zooshapweya na zontuvela Nluku Namuusuru etthu.

1 Atizaloonika 2:4

olikha toowo, nkhama atthu ookhupaliwa ti Nluku, mpakha khuninkha olaleya hapari zooshapweya, khaninttakhula yoori niwaatuvelise atthu, ila Nluku, aninzaanaaye rooho zeetthu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Ayeefezu 2:17

Etthiipo Yinsa khuta khulaleya hapari za heeri khwa mweeyo mooshi mwaari peetiwene na Nluku na heeri theenya khwa apale aari kharipu na Nluku.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

1 Akorintiyu 9:17

Nkhama kintafusiri khwa niiya yaka, kiina ya oriphiwa; ila nkhama khahiyo khwa niiya yaka khinkhola khaazi kinkhiweeyo.

Afiliipu 1:13

Nkhama swamiima, zaarettewa wiiya za wooneya khwa anamweekesela ooshi a nyuupa ya nsatoro na atthu ooshi khwiiya oojuwa yoori kiri nkalapooso mwaasa wa Al-Masiihu.

Arooma 16:26

ila nasaapi eti zathoonyeziwa na enkhiwa ojuwa khwa zawaatikhiwa za manapiyu, khwa oruma wa Nluku wa mileele, yoori khapila zooshi zinkhupali ye na enshututele;

Arooma 15:19

khwa owahi wa alama na mitikiniso na khwa owahi wa Rooho ya Nluku. Etthiipo waaza Yeruzaleemu na nkerekhere mwaya mpakha Eliiriku kalaleya saaneene hapari zooshapweya za Al-Masiihu.

Arooma 5:6

Wekhweele, wakathi fweeyo nalelo naari woottettheya, Al-Masiihu awaafwela makaafiri.

Khaazi 17:26

Atthu a khapila zooshi awompa khwa ntthu mmote paasi, yoori eekhale muulumwenku, ye khutthoma wakathi na khuwenkha puuro yawiikhala khapila zaya epo.

Khaazi 10:36

Mweeyo mwinjuwa nttakhuzi Nluku aaperekhiyeeyo vakatthi wa atthu a Ezirayiilu, alaleyaka monkoni wa hapari zooshapweya za heeri khwa Yinsa Al-Masiihu, Mbwana wa atthu ooshi.

Luuka 1:47

Rooho yaka ti yonfurahela Nluku Namuusuru aka,

Maaruku 16:15

Khuwooza yoori: “Mwilawe olumwenku wooshi mwawaafisele atthu ooshi hapari zooshapweya.

Maaruku 13:10

Ila enihithajiya olaleyiwa hapari zooshapweya khapula khwa khapila zooshi.

Othoonyeziwa 14:16

Khwa etthiipo, otule eekhaliyeeyo va liwiku khuvirisa sheko yawe va tuniya, na tuniya khwiiya ya wuuruliwa.

Ayeefezu 1:10

shawuri zaya epo okusanya wakathi khaamili vitthu zooshi mmakhono wa Al-Masiihu epile ziriiye otulu na vathi.

Maaruku 1:15

alupaka yoori: “Wakathi wafiya, na ofwalume wa Nluku ori kharipu; mwithupwiye na mwikhupali hapari zooshapweya.”

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

2 Timootiyu 4:17

Ila Mbwana khwiiya phantte yaka na khukinkha kuvu, yoori khwa miiyo hapari elaleyiwe saaneene na amalapo ooshi asiile. Miiyo khutapuliwamo nkhanyo wa siipa.