Tiitu 1:10 - Hapari Zooshapweya

¹⁰ Maana awaapho alolo enkeene, anamattakhula na anamattettekha, haaswa-haaswa apale alankhiyeeyo nkhuntti ya anamakhiriya.

Tiitu 1:10 Referans Kwoze

1 Timootiyu 1:6

Akinoko ajilaziyeemo, arutelaka olottela vitthu zootakhala zoohiina fwayita.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Tiyaaku 1:26

Ntthu amana ajoona wiiya natiini, ila khuhisala eenanela nlimi lawe, onjihata mweenyewe na tiini yawe khina fwayita.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Khaazi 11:2

Pheeturu noorutela Yeruzaleemu, apale a khuntti yookhiriya khusala annyakulisa amuuzaka yoori:

Othoonyeziwa 2:14

Ila kinaaye vitthu kiina khwa mweeyo: maana mwinaaye okho atthu anlottaaye masomi a Palaawu, othuuto ansomisiyeeyo Palaakhi nanna ya owaakwakwanttula meezirayiilu, awaanozelaka oja vitthu za otwaheliwa sanamu na oretta khaapa twayifu.

Othoonyeziwa 2:6

Ila ewaapho etthu khwa zwaamu yenu: mweeyo mwiniiphiriwa ti zooretta zaanikolayiita, nkhama enikiiphiraazo miiyo.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

2 Timootiyu 4:4

Anttela olikha osiila haakhi asala asiileza hantisi.

1 Timootiyu 1:4

Owoozaka theenya yoori alikhe olottela hantisi na waalaka mazina a marehemu. Epo zaya zintiisa onyakulisana na enlikhisa mwentto wa Nluku onlottaniwaaye amini.

Akaalata 3:1

Oo alolo Akaalata! Paani oolowiyeenini? Yinsa Al-Masiihu aasaruleliwe omaasho weenu khukhomeliwa vansalapa!

Khaazi 20:29

Kinjuwa yoori paata ya miiyo olawa enlawa zapuwe miiji za ntthuttu zite vakatthi venu yoori evulaze khuntti.

Khaazi 15:1

Atthu akina a Yudeya khuta mpakha Antiyookiya, noofiya khusala awaasomisa attwi zaya awoozaka yoori: “Mweeyo amana mwihikhiriyi nkhama etthiipo Munsa anisomisiyeezo khamwinteela wuusurukha.”

Khaazi 15:24

Nasiila yoori, vakatthi veetthu alankhavo atthu ata ottuukho oteela wuutapanyani na mattakhuzi oovonyeya arutiselaka nyuma nafusi zenu woohirumiwi ti fweeyo.

1 Timootiyu 1:9

Nijuwaka etthiipo yoori kano khazaawaateeliye atthu apale aneettettelaaye shariya, ila zaawaateeliye apale ohiiyi a shariya na anamakhijili, zaawaateeliye makaafiri na anatwampi, zaawaateeliye anamatakhala rooho na anamakufuru, zaawaateeliye apale aniwoolaaye apapazaya na amamazaya, zaawaateeliye apale aniwoolaaye azaaya,

Tiitu 1:6

Nttunkhulu aya oto ona ya wiiya ntthu woohiina paathuli, nlume wa muukha mmote paasi na eeyane aana awaamineya oohiretti vitthu zootakhala ama okhijili.

1 Yaahaya 2:4

Otule anraaye: “Miiyo kininjuwa” ila ahishututelaka oruma wawe namahata, na haakhi khiri vamote na ye.

Matewuzhu 23:14

Olaanikha pu weenu mweeyo anamanozela a kano na mafwarizeewu, manaafikhi, maana mwimpala maali za anamfweliwa pi amannazaya na ojitapwatelana oretta lompa zoolepa; khwa etthiipo mwinteela ohukhumwiwa saaneene.