Othoonyeziwa 7:4 - Hapari Zooshapweya

⁴ Aphano kisiila thamani ya apale apharisiiweeyo: Alufu miiya na arupayiini na nne, khwa mahimo ooshi a Ezirayiilu.

Othoonyeziwa 7:4 Referans Kwoze

Othoonyeziwa 14:1

Aphano miiyo khweekesa, na omaasho waka khoona Pwittipwitthi yeemeliye vatulu wa mwaako Siyoni, vamote na ye aarivo alufu miiya na arupayiini na wane aatikhiweeyo vaajihi vaya nzina lawe na nzina la Papaawe.

Othoonyeziwa 14:3

Yo eetta wiipa liipo limote lipheya omaasho wa khukulu na wa zumpe haayi nne na wa attunkhulu a tiini. Na khina anwahaaye ojuwa liipo ntthile, ohiiyi apale alufu miiya arupayiini na wane oozanyiweeyo va tuniya.

Luuka 22:30

yoori mwije na mwinywe vameeza vaka muufwalume mwaka, na mwiikhale va khukulu ya ofwalume yoori mwiphuke mahimo khumi na mawiri a Ezirayiilu.

Matewuzhu 19:28

Yinsa khuwooza araka: “Miiyo kiniwuuzani khweele yoori, amana ofiya wakathi Nluku anttelaaye waattala zooshi opheeya na Mwaana wa Pinaatamu eekhala va khukulu ya siifwa zawe, mweeyo mwinikilottaaye mwinttela wiikhalela khukulu khumi na piiri yoori mwiphuke mahimo khumi na mawiri a Ezirayiilu.

Khaazi 26:7

Ethiito mahimo apale khumi na mawiri, aari owejelaaye ansifwaka Nluku na rooho yaya yooshi osikhu na nthana. Oo mfwalume, mwaasa wa nroromelo otthuupo, ti kinlokovezeliwaaye vitthu, pi mayaahuuti.

Othoonyeziwa 9:16

Thamani ya anajanka aari va khavalo aari milikhi miiya piiri; miiyo khusiila thamani aariizo.

Tiyaaku 1:1

Miiyo Tiyaaku, karumeya wa Nluku na wa Mbwana Yinsa Al-Masiihu, kimperekha salamu khwa mahimo khumi na mawiri amwazeyeliyeeyo wakhula phantte.

Arooma 9:27

Ezaaya alupa monkoni wa Ezirayiilu yoori: “Yeeyaru pure thamani ya meezirayiilu nkhama mishaka za mmattima, ila akina aya paasi ti anttelaaye wuusurukha.

Mwanzo 15:5

Khunsarulamo nheema mwawe khumuuza yoori: “Weekese otulu, waalake matthottowa nkhama anaalakeya. Ojama awo enteela wiiya etthiipo.”

Othoonyeziwa 7:5

Khwa lihimo la Yuuda apharisiwe alufu khumi na piiri. Khwa lihimo la Ruubeni alufu khumi na piiri, khwa lihimo la Gaati alufu khumi na piiri,

Luuka 14:22

“Karumeya otule nooruti khulupa yoori: ‘Mbwana, karetta epile mwaakirumiyeezo, ila nalelo yasala puuro.’