Othoonyeziwa 7:2 - Hapari Zooshapweya

² Na khoona nlayikha likina liwelelaka lintthamuwaawo njuwa, liriina ephariselo ya Nluku ariiye haayi. Ye khukuwela na huula yoosileya malayikha apale mane, atthaapo enkhiweeyo owahi wa oharipu tuniya na pahari:

Othoonyeziwa 7:2 Referans Kwoze

Ayeefezu 4:30

Mwihiphirise Rooho Ttakatthiifu ya Nluku, ethiito mwimatthaniweeyo enlawaaye mpakha siikhu ya wookhowa weenu.

2 Akorintiyu 1:22

Othuuto theenya anipharisa na alama ya Rooho Ttakatthiifu nroho mweetthu.

Othoonyeziwa 9:4

Yo khurumiwa yoori ahiharipu hatha nyaani za tuniya wala mathapa, wala muutthi mmote, alaputa atthu apale ohiina alama ya Nluku vaajihi.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Ayeefezu 1:13

Wakathi mweeyo mwisiiliyeeyo na khukhupalela nttakhuzi la haakhi, hapari zooshapweya ziwuusuriyeenini, mweeyo mwamatthaniwa khwa Al-Masiihu Rooho Ttakatthiifu etile ye ahitiyeeyo.

Othoonyeziwa 5:2

Khoona nlayikha limote la owahi lilaleyaka na huula yoosileya liraka: “Paani ansuhaaye opharula viphariselo na khufunula kithaapu?”

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Othoonyeziwa 1:3

Wooparikhiyiwa ti otule ansomaaye mattakhuzi apa ohupiri na ooparikhiyiwa pi apale ansiilaaye na khuthokorela epile zaatikhiweeyo, maana wakathi wanttama.

Othoonyeziwa 10:4

Taari epile sapa noottakhula, miiyo kaarettiye kitakhaka waatikha, ila khusiila huula ya pinkuuni, eraka: “Opharise epo elupiyeeyo taari sapa, ila ohaatikhe.”

Othoonyeziwa 10:1

Aphano miiyo khoona nlayikha likina la owahi, laari wiishukhaaye pinkuuni. Ye awaliye liwiku nkhama kuwo; vatulu veeshwa vawe waarivo nkhankanyama. Wuuso awe waari nkhama njuwa, na moolu awe aari nkhama maripu a moottho.

Othoonyeziwa 8:3

Nlayikha likina laataniyeeyo puhuri ya weero, khwaattama na khweemela kharipu ya alitaari. Ye khwinkhiwa ovupa wa waatta yoori enkhe na lompa za attakatthiifu ooshi va alitaari wa weero omaasho wa khukulu.

Meepereewu 12:22

Ila mweeyo mwafiya vamwaako Siyoni na sitati ya Nluku wa ohaayi, Yeruzaleemu ya pinkuuni, ariiwo malayikha oohalakeyi ottuukho aathukumaniyeeyo na furaha,

1 Atizaloonika 1:9

Maana atthaapo anthatela nanna mweeyo mwinipwekhereliyeezo, na nanna mwiruteliyeezo mmakhono wa Nluku, khulikha sanamu yoori mwinrumeyele Nluku wa ohaayi na weekhweele,

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Othoonyeziwa 9:14

Huula etile khuuza nlayikha la siitha ntthile laarina nlope yoori: “Ofukule malayikha mane afukiweeyo kharipu ya muuttho nwulweene oniitthiwaaye Efwarati.”

Othoonyeziwa 16:12

Nlayikha la siitha khwiitthela mphiko aya muuttho nwulu Efwarati, na khuumisa maati aya yoori etthenkeziwe tarikhi za afwalume anlankhaaye lintthamuwaawo njuwa.