Othoonyeziwa 6:11 - Hapari Zooshapweya

¹¹ Aphano wakhula mmote wa yo khupwekhera kuwo moote yoolakala, na khuuziwa yoori aweje vattitthiiru theenya, mpakha olikana thamani ya ashirikha aya na attwiizaya, aarina ya wuuliiwa nkhama yo.

Othoonyeziwa 6:11 Referans Kwoze

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.

Othoonyeziwa 14:13

Aphano miiyo khusiila huula ya pinkuuni elupaka yoori: “Waatikhe: Ooparikhiyiwa ananfwa apale anfwaaye arina Mbwana nasaapi eti mpakha okho ninttaawo.” Rooho ya Nluku khulupa yoori: “Aaa, yo anttela ovumula khwa tafwawuthi zaya, maana zooretta zaya zinttela owaalotta.”

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.

Meepereewu 11:40

maana Nluku aawaziye shawuri za fwayita monkoni wa fweeyo, yoori yo akhamilikhisiwe vamote na fweeyo.

Yaahaya 16:2

Mweeyo mwinteela wiikariwa nsinakooka; weekhweele, onlawa wafiye wakathi anraaye ntthu amana awuulaani khoona nkhama ankholaaye khaazi ya Nluku.

Othoonyeziwa 17:6

Miiyo khoona yoori muukha yaari yonhapala taamu ya attakatthiifu, taamu ya mashaahiti a Yinsa. Wakathi kimooniyeevo khwiiya wooshanka channu.

Othoonyeziwa 13:15

Yenkhiwe owahi yoori yinkhe phuumu ratarato ya nyama yawoopisa etile ya mwanzo, yoori ye awahi ottakhula na yoori ewoole ooshi apale akatthaliyeeyo waaputu ratarato etile.

Matewuzhu 10:21

“Ttwi mmote onlawa anleve ttwiiye yoori ooliiwe, na paapa onleva mwanawe; aana anlawa awaazukuluwele apaapa zaya na awoole.

Luuka 15:22

“Ila papaawe khuwooza a karumeya awe yoori: ‘Mwaakuve, mwitiise kuwo swaafi mwinwalise. Na peetthe mwinwalise nzaala mwawe na shapatthu mmoolu mwawe.

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

2 Atizaloonika 1:7

na oniwinkhani ovumula mweeyo mwintaneliwaaye miswipa na khwa fweeyo theenya. Epo zinttela orettikhana amana Mbwana Yinsa ajithoonyeza pinkuuni na malayikha awe owahi khwa vakatthi wa moottho wookholela.

2 Timootiyu 4:7

Koomana viittha yooshapweya, kamarisa otthira waka, kathokorela amini.

Meepereewu 4:10

Maana otule eettiye muuvumula wa Nluku, onvumula khwa khaazi zawe, nkhama Nluku avumuliyeezo khwa khaazi yawe.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

Othoonyeziwa 10:6

na khulapha khwa otule ariina ohaayi wa mileele, otule ompiyeeyo pinku na zooshi eriina, na tuniya na zooshi eriimo, na pahari na zooshi eriimo, alupaka yoori: “Khuniiyavo theenya orupaza!