Othoonyeziwa 3:8 - Hapari Zooshapweya

⁸ Kinjuwa zooretta zaya. Moone yoori omaasho weenu katthaawo nlako woofukuwa, na khina anwahaaye ofuka. Kinjuwa yoori mweeyo mwinaaye kuvu vattitthiiru, ila mwathokorela nttakhuzi laka na khamwikatthaleeni nzina laka.

Othoonyeziwa 3:8 Referans Kwoze

1 Akorintiyu 16:9

Maana wafukuliwa khwa miiyo nlako mmote nwulweene na ruhusa; na awaapho ashinttani awaatta.

Akoloosu 4:3

Mwinilompele fweeyo theenya, yoori Nluku anifukulele milako khwa hapari zawe, yoori niwahi olaleya siiri za Al-Masiihu, etthiipo kifukeliweeyo.

Othoonyeziwa 3:7

“Khwa ojama wa Nluku wa Filateelifiya waatikhe yoori: Apa mattakhuzi a otule eeyiye nttakatthifu na nkhweele, ariina efukulo ya Daawuuda. Etile ye anfukulaaye khina anwahaaye ofuka, na etile ye anfukaaye khina anwahaaye ofukula.

2 Akorintiyu 2:12

Wakathi kifiyeevo Torowaati yoori kitafusiri hapari zooshapweya za Al-Masiihu, khoona yoori Mbwana akifukulela milako,

Khaazi 14:27

Noofiya Antiyookiya okhule, khuwaakusanya atthu apale a ojama wa Nluku khusala owooza zooshi epile Nluku aarettiyeeyo khwa yo na nanna aafukuliiyezo milako za amini khwa amalapo.

Afiliipu 4:13

Kinwahi oretta zooshi khwa otule anikikhomaazaaye.

Luuka 12:9

Ila otule anikikatthalaaye vakatthi wa atthu, na ye onteela okatthaliwa vakatthi wa malayikha a Nluku.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Yaahaya 17:6

“Kawaathoonyeza nzina lawo apale okinkhiyeeyo voolumwenku. Apo aya aari awo, weeyo khukinkha miiyo, yo anshututela nttakhuzi lawo.

Othoonyeziwa 3:15

Miiyo kinjuwa zooretta zaya, yoori mweeyo khahi mwa woozizima wala woolukuza! Yaari oshapweya mwiri woozizima ama woolukuza!

Othoonyeziwa 22:7

“Moone! Miiyo kinta woohirupazi! Wooparikhiyiwa ti otule ampwehaaye mattakhuzi a ohupiri a kithaapu eti.”

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.

1 Timootiyu 5:8

Ntthu amana ajamaaze haaswahaaswa mamaawe na pipiyaawe ahiwaatthantti, akatthala epaata yawe na oninziti kaafiri.

2 Timootiyu 4:7

Koomana viittha yooshapweya, kamarisa otthira waka, kathokorela amini.

Othoonyeziwa 3:1

“Khwa ojama wa Nluku wa Saariti waatikhe yoori: Apa mattakhuzi a otule ariina rooho sapa zininrumeyelaaye Nluku na matthottowa sapa. Kinjuwa zooretta zaya. Mweeyo mwinjuwaniwa wiiya haayi, ila mwafwa.

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

Yaahaya 15:20

Mwifikhiri mattakhuzi kiwuuziyeenini yoori: ‘Khaavo karumeya anzitiyeeyo Mbwana awe.’ Nkhama akilupatthiyeezo miiyo, na anlawa oolupattheni mweeyo theenya. Nkhama anshututela mattakhuzi aka, theenya anlawa ashututele apale mwinttelaaye olupa mweeyo.