Othoonyeziwa 3:21 - Hapari Zooshapweya

²¹ Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Othoonyeziwa 3:21 Referans Kwoze

2 Timootiyu 2:12

amana nivilela, ninteela wiiya afwalume vamote na ye; amana ninkhana, na ye onteela onikhana;

Matewuzhu 19:28

Yinsa khuwooza araka: “Miiyo kiniwuuzani khweele yoori, amana ofiya wakathi Nluku anttelaaye waattala zooshi opheeya na Mwaana wa Pinaatamu eekhala va khukulu ya siifwa zawe, mweeyo mwinikilottaaye mwinttela wiikhalela khukulu khumi na piiri yoori mwiphuke mahimo khumi na mawiri a Ezirayiilu.

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Othoonyeziwa 2:7

Otule ariina mashiilo ti asiile etile Rooho ya Nluku elupiyeeyo khwa ojama wa Nluku. Otule anshinttaaye kinimwinkha ruhusa ya oja muutthi wa ohaayi, oriiye jannathi ya Nluku.”

Matewuzhu 28:18

Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

Luuka 22:30

yoori mwije na mwinywe vameeza vaka muufwalume mwaka, na mwiikhale va khukulu ya ofwalume yoori mwiphuke mahimo khumi na mawiri a Ezirayiilu.

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

Othoonyeziwa 1:6

khuniretta ofwalume na onamalokozela wa tiini yoori ninrumeyele Nluku awe na Paapa. Attitthimisiwe na owahi wiiye wawe khwa mileele! Amiina.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”

Othoonyeziwa 6:2

Khweekesa, omaasho waka khoona khavalo yoolakala! Nakhavalo aya arina nttetthe, na khwinkhiwa jarata, khupuwa ari namashintta wootthomeliwa oshintta.

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Othoonyeziwa 5:10

Weeyo wawenkha ofwalume na wiiya mahaakhimu a tiini a Nluku eetthu, yo anttela othawala va tuniya.”

Othoonyeziwa 20:6

Ooparikhiyiwa na attakatthiifu pi apale ariina phantte ya osisimuwa wa mwanzo! Ofwa wa phiiri khuna owahi khwa yo; anttela wiiya anamalokozela a tiini ya Nluku na a Al-Masiihu, anttela olokozela vamote na ye khwa nyaakha alufu.

Yaahaya 13:32

Nkhama Nluku onsifwiwa khwa ye, na ye Nluku onsifwiwa mwanawe khwa ye mweenyewe, na onteela osifwiwa woohirupazivo.