Othoonyeziwa 22:3 - Hapari Zooshapweya

³ Khinteela wiiyavo theenya laana. Khukulu ya Nluku na ya Pwittipwitthi enttela wiiya nsitati, na akarumeya awe anttela onrumeyela.

Othoonyeziwa 22:3 Referans Kwoze

Matewuzhu 25:21

“Mbwanaawe khunjipu yoori: ‘Kemaani, karumeya wooshapweya na wa waamineya! Weeyo waamineya khwa ttiitthiiru, apho kintta owinkha yawaatta. Ote ofurahi vamote na Mbwana awo.’

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 14:3

Na amana kilawa kitthenkeza puuro yaya eto, kinlawa karuti kuuthuleni mweeye vamote na miiyo attaapho kinttelaaye wiiyavo.

Zaapuura 16:11

Weeyo onikithoonyeza tarikhi ya ohaayi, omaasho wawo ewaakho furaha ya waatta, nkhono nlume awo ziwaakho vitthu zoopuheya zihinishaaye.

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.

Othoonyeziwa 7:10

Na khusala akhuwa na huula yoosileya araka: “Khwa Nluku eetthu eekhaliyeeyo va khukulu, na Pwittipwitthi ti enlankhawo nusura.”

Yaahaya 13:32

Nkhama Nluku onsifwiwa khwa ye, na ye Nluku onsifwiwa mwanawe khwa ye mweenyewe, na onteela osifwiwa woohirupazivo.