Othoonyeziwa 21:12 - Hapari Zooshapweya

¹² Aarina muuri nwulweene na woolepa waariina milako khumi na miwiri na malayikha khumi na mawiri aari weekeselaaye milako. Mmamilako mwaya aatikhiwemo mazina a mahimo khumi na mawiri a Ezirayiilu.

Othoonyeziwa 21:12 Referans Kwoze

Othoonyeziwa 21:25

Milako zaya khazinteela ofukiwa theenya nthana, maana khunteela wiiyavo osikhu.

Khaazi 26:7

Ethiito mahimo apale khumi na mawiri, aari owejelaaye ansifwaka Nluku na rooho yaya yooshi osikhu na nthana. Oo mfwalume, mwaasa wa nroromelo otthuupo, ti kinlokovezeliwaaye vitthu, pi mayaahuuti.

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Luuka 16:22

“Masikhini otule khufwa, khuthuuliwa pi malayikha khulawa khwiiya vamote na Eburahiima. Naye thaajiri otule khufwa khulawa khuzikhiwa.

Luuka 15:10

Miiyo kiniwuuzani yoori eniiyavo furaha khuluyeene vakatthi wa malayikha a Nluku mwaasa wa natwampi mmote othupwiya.”

Matewuzhu 18:10

“Phoole, mwihintarawu hatha mmote wa asimaana apa! Miiyo kiniwuuzani khweele yoori malayikha aya anoona wuuso wa Paapa wa pinkuuni wakhula wakathi.

Othoonyeziwa 21:13

Zaariwo milako mittatthu okhu lintthamuwaawo njuwa, mittatthu kashikhazini, mittatthu kusini na mittatthu okhu lintupweelaawo njuwa.

Othoonyeziwa 21:15

Nlayikha laari ottakhulanaaye miiyo laarina puutta ya mphimo wa waattalaniwa weero yoori ephime sitati, milako zaya na muuri aya.

Othoonyeziwa 22:14

“Ooparikhiyiwa pi apale anfulaaye kuwo zaya, na etthiipo ana ruhusa ya muutthi wa ohaayi na anwahi ovira mmilako wa sitati.