Othoonyeziwa 20:12 - Hapari Zooshapweya

¹² Khuwoona theenya ananfwa, awulu mpakha attiitthi, eemeliye omaasho wa khukulu, kithaapu khwiiya zoofunuliwa. Kithaapu kiina khufunuliwa, kithaapu ya ohaayi. Ananfwa khuphukiwa khwa nanna ya zooretta zaya, nkhama etthiipo zaatikhiweeyo nkithaapu.

Othoonyeziwa 20:12 Referans Kwoze

2 Akorintiyu 5:10

Maana fooshi fweeyo nina ya ojithoonyeza enakatthi ya Yinsa yoori niphukiwe ti ye. Na wakhula ntthu onteela opwekhera etile eninsuhaaye, khwa etile arettiyeeyo yooshapweya ama yootakhala ohaayi awe vathi apha.

Matewuzhu 16:27

Apho Mwaana wa Pinaatamu onlawa ate nnuuru wa Papaawe na malayikha awe, amwinkhe phakari wakhula ntthu khwa etile arettiyeeyo.

Othoonyeziwa 22:12

Moone, kinta woohirupazi! Phakari ena miiyo, na miiyo kinimwinkha wakhula mmote khwa etile arettiyeeyo.

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.

Othoonyeziwa 11:18

Atthu a khapila zooshi khwiiphiiriwa, maana wafiya wakathi wa othoonyeza katapu yawo, na wakathi wa ophukiwa ananfwa, na ya owinkha phakari akarumeya awo, manapiyu, attakatthiifu awo, na apale anoovaaye nzina lawo, waaza nwulu mpakha nttiitthi, wafiya wakathi wa owaatapanya apale antapanyaaye tuniya.”

Othoonyeziwa 3:5

Otule anshinttaaye onttela owala kuwo zoolakala nkhama apale, na akinteela ofuja nzina lawe nkithaapu ya ohaayi, ila kinteela otukhuru nzina lawe omaasho wa Paapa na malayikha awe.

Othoonyeziwa 20:13

Pahari khuwaaperekha ananfwa apale aariina, ofwa na Ahera khuwaaperekha ananfwa apale aariina, na wakhula mmote khusala aphukiwa khwa zooretta zawe.

Othoonyeziwa 21:27

Mpho khinteela weettamo hatha etthu yoohifwayi, wala ntthu anrettaaye etile yoopattisa haaya ama yoohata, ila paasi apale mazina aya aatikhiweeyo nkithaapu ya ohaayi wa Pwittipwitthi.

Khaazi 24:15

Na kinaaye nroromelo khwa Nluku otthuupo arinaaye apa yoori owaapho osisimuwa wa anahaakhi na apale ohiina haakhi.

Othoonyeziwa 20:11

Paata ya toole, koona khukulu khuluyeene yoolakala na otule eekhaleliyeeyo. Tuniya na pinku khutthiravo vakatthi vaya, khuhisikani puuro khwa yo.

Othoonyeziwa 19:5

Aphano khusiileya huula yalankhiyeeyo va khukulu yaari onyakulaaye: “Mwinsifu Nluku eetthu, mooshi mweeyo akarumeya awe, mweeyo mwinimoovaaye, waaza nwulu mpakha nttiitthi!”

Afiliipu 4:3

Na weeyo nshirikha aka wa waamineya nkatthi wa khaazi, kinuuvekela yoori owaawuni alupu apa. Maana yo na Kelementi na ashirikha aka akinoko, akhola khaazi phantte yaka ya omwaza hapari zooshapweya. Mazina aya ari nkithaapu ya ohaayi.

Luuka 10:20

Ila mwihifurahi mwaasa wa masheethwani wuushututelani, mwifurahele mazina enu waatikhiwa pinkuuni.”

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Arooma 2:6

Nluku onttela omwinkha wakhula ntthu khwa khiima ya wakhula etile arettiyeeyo.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

Matewuzhu 11:22

Ila miiyo kiniwuuzani yoori siikhu ya ophukiwa enteela wiiyavo tthakaraka khwa Tiiru na Sitooni zayita mweeyo.

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.