Othoonyeziwa 2:9 - Hapari Zooshapweya

⁹ Kinjuwa tafwawuthi zaya na osikhini aya, ila mweeyo mwaamathaajiri! Kinjuwa okufuru wa apale anjiitthaaye yoori mayaahuuti ila ahiiyeeni, yo sinakooka ya Epiliisi.

Othoonyeziwa 2:9 Referans Kwoze

Othoonyeziwa 3:9

Moone etthu kinttelaaye owaarettela apale eeyiyeeyo sinakooka ya epiliisi na anjilupezaaye oyaahuuti ahiiyeeni, ila eeyiyeeyo anamahata. Miiyo kinttela owaakokhorisa nshini wa moolu enu na ajuwe yoori miiyo koophetani mweeyo.

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Arooma 9:6

Nihuupuwele yoori nttakhuzi la Nluku tthi loovonyeya. Olikha toowo, khahiyo ojama yooshi ya Ezirayiilu eeyiyeeyo meezirayiilu.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

1 Timootiyu 6:18

Owaahirimize oretta saana na eeye mathaajiri a khaazi zooshapweya, awiiyana rooho yooleva na wiiya atthu anwahaaye omeela epile aniiyanaazo.

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

Luuka 6:20

Aphano Yinsa khulansa maasho khuweekesa anakhiyoni awe khuwooza yoori: “Ooparikhiyiwa ti mweeyo mwiiyiye asikhini, maana Ofwalume wa Nluku pu weenu.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Arooma 5:3

Na khahiyo etthiipo paasi, ila theenya ninjittitthimisa mmiswipa, maana miswipa entana ovilela;

1 Timootiyu 1:13

Miiyo ena omwanzo kaari namakufuru, namalupattha, namahusuti, wakathi aya opule miiyo akaarina amini, etthu kaari orettaaye akaari ojuwa, apha kooneliwa huruma.

1 Atizaloonika 3:4

Wakathi naari na mweeyo, naawuziyeeni yoori ninteela olupatthiwa, na khweele zarettikhana nkhama mweeyo mwinjuwaazo.

2 Akorintiyu 8:2

Vakatthi wa nswipa nwulweene, furaha khuluyeene na osikhini wa waatta enkhiye zaakha khwa rooho ya emaani.

Arooma 8:35

Paani anwahaaye oniphakulana pheta ya Yinsa? Tafwawuthi, othunku, olupatthiwa ama jala ama owaazu, ajali, ama phanka?

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.

Luuka 22:65

Khusala anlupeza mattakhuzi awaatta a mattukhano.

Luuka 12:21

Yinsa khumarisela araka: “Ntthu oto ori nkhama atthu apale anlipanaaye maali zaya ila mmakhono wa Nluku khahi mathaajiri.”

Arooma 2:17

Apho, weeyo onjilupeza oyaahuuti, onjilipisana kano na onjikhupalina Nluku.

Khaazi 26:11

Wakathi mwinkeene kaari weettaka mmasinakooka olawa owaahukhumu attakatthiifu na owaakhanyarela okufuru, katapu kaariina khwa atthu apale yaakifiyelelisiye olawa sitati kiina kiwaalupatthaka.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

Matewuzhu 4:10

Yinsa khumuuza yoori: “Oleevo, Epiliisi! Maana yaatikhiwa yoori: “ ‘Omwaaputu Mbwana, Nluku awo, na onrumeyele othuuto paasi.’ ”

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Othoonyeziwa 2:24

Khwa mweeyo akinoko aya mwiriiye Tiyatiira, mwihinlottaaye masomi a muukha oto, na mwihijinozeleeni epile yo anlupaaye yoori siiri zawiicha za Epiliisi, kiniwuuzani yoori: Mwihijittikhe mapwattha makina,