Othoonyeziwa 2:13 - Hapari Zooshapweya

¹³ Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Othoonyeziwa 2:13 Referans Kwoze

1 Timootiyu 5:8

Ntthu amana ajamaaze haaswahaaswa mamaawe na pipiyaawe ahiwaatthantti, akatthala epaata yawe na oninziti kaafiri.

Othoonyeziwa 3:11

Kinta woohirupazi. Mwithokorele etile mwiriina, yoori ahiiyevo hatha ntthu woothuula jarata yenu.

2 Timootiyu 2:12

amana nivilela, ninteela wiiya afwalume vamote na ye; amana ninkhana, na ye onteela onikhana;

Khaazi 22:20

Wakathi ooliweevo Shiteevawu, alazaka oshaahiti awo, miiyo karivo attaaphale, kijipwelelisaka husuti etile na osalana kuwo za apale aari onhusutaaye.’

Othoonyeziwa 14:12

Ntthi nthiti la attakatthiifu anshututelaaye oruma wa Nluku na anaamineyaaye khwa Yinsa.

Othoonyeziwa 3:3

Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.

Othoonyeziwa 2:2

Miiyo kinjuwa zooretta zaya, na khaazi zaya, na nthiti laya. Kinjuwa yoori khunwahi owaavilela anamatakhala rooho, na wawootoota apale anjilupezaaye yoori maaswihaapa ahi, na khuwaasophela yoori anamahata.

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

Tiyaaku 2:7

Khahi atthaapo antarawaaye nzina looshapweya ntthile mweeyo mwinkhuwelaaye?

Meepereewu 3:6

Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

1 Atizaloonika 5:21

Mwinzaani vitthu zooshi na mwithokorele etile yiiyiye yooshapweya.

Khaazi 9:14

Ye ata okhuno khwa ruhusa ya mahaakhimu a tiini yoori awaakhole ooshi apale ansifwaaye nzina lawo.”

Luuka 21:17

Atthu enki anttela wiiya awiiphiiriwa ti mweeyo mwaasa wa nzina laka.

Matewuzhu 10:23

Amana mwifiya nsitati khulupatthiwa, mwitthirele sitati kiina. Weekhweele miiyo kiniwuuzani yoori khamwinteela wiisha ozukulela Ezirayiilu yooshi Mwaana wa Pinaatamu ahiteeni.

Matewuzhu 4:10

Yinsa khumuuza yoori: “Oleevo, Epiliisi! Maana yaatikhiwa yoori: “ ‘Omwaaputu Mbwana, Nluku awo, na onrumeyele othuuto paasi.’ ”

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 11:3

Kiniwinkha owahi mashaahiti aka awiri, anteela ohupiri khwa siikhu alufu na miiya piiri na siithiini, awaliye kuwo za saakhu.”

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

Othoonyeziwa 13:2

Nyama yawoopisa kooniyeeyo yaari olattanana shuuwi, na yaarina moolu mawulumawulu nkhama a khoole nwulweene na makhope oothokolowa, na milomo zaya nkhama za siipa. Jahanamu khwinkha nyama yawoopisa etile owahi aya khukulu yaya na ofwalume nwulweene.

Othoonyeziwa 17:6

Miiyo khoona yoori muukha yaari yonhapala taamu ya attakatthiifu, taamu ya mashaahiti a Yinsa. Wakathi kimooniyeevo khwiiya wooshanka channu.

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”