Othoonyeziwa 19:6 - Hapari Zooshapweya

⁶ Miiyo khusiila etthu yoolattanana huula ya khuntti ya atthu a waatta, nkhama onyakula wa pahari na taari yookhomaala yaari ovumaaye eraka: “Aleluuya! Maana onlokozela Mbwana, Nluku eetthu, Nwahi zooshi, ti Mfwalume!

Othoonyeziwa 19:6 Referans Kwoze

Othoonyeziwa 14:2

Miiyo khusiila ovuma pinkuuni nkhama ottitthima wa pahari na taari yookhomaala. Waari nkhama wa natthakare ampiyaka tthakare awe.

Othoonyeziwa 19:1

Paata ya toowo miiyo khusiila etthu pinkuuni yoolattanana huula ya khuntti ya atthu awaatta enyakulaka yoori: “Aleluuya! Nusura, ottitthima na owahi pu wa Nluku eetthu,

Othoonyeziwa 6:1

Kooniye Pwittipwitthi wakathi yaari opharulaavo ephariselo ya mwanzo khwa epile sapa, aphano kisiila moote khwa zumpe haayi epile nne, elupaka na huula ya taari yoori: “Ote!”

Othoonyeziwa 1:15

Moolu awe aari nkhama poronzi wawoochiwa va njocho; huula yawe yaari ottitthima nkhama pahari.

Othoonyeziwa 21:22

Akooneeni hatha nyuupa yoosifwiwamo nsitati, maana Mbwana Nluku Nwahi zooshi na Pwittipwitthi ti yiiyiye nyuupa yoosifwiwamo.

Othoonyeziwa 12:10

Aphano kisiila huula khuluyeene pinkuuni elupaka yoori: “Nasaapi yata nusura, owahi na ofwalume wa Nluku eetthu na ofwalume wa Al-Masiihu awe, maana ti wa wiikariwa namalokova wa attwiizetthu, othuuto aniwaalokovezaaye osikhu na nthana, omaasho wa Nluku eetthu.

Othoonyeziwa 8:5

Aphano nlayikha ntthile khuthuula puhuri etile khwiitaazamo makhala a moottho wa va alitaari khumwazela va tuniya; khupuwa taari, huula, ozerima na esikinyaatthi.

Othoonyeziwa 4:5

Va khukulu khupuwavo ozerima, huula na taari. Omaasho wawe zaakhoziwewo nyeeke sapa za moottho, ziiyiye rooho sapa zininrumeyelaaye Nluku.

Zaapuura 77:18

Ottitthima wa taari yawo khumwazeyela otulu wooshiwo, na ozerima khumwasikhela olumwenku wooshi; nti khutatheya khusala othukumela.

Zaapuura 47:7

Nluku mfwalume wa olumwenku wooshi; mmwiipele na osiilana maliipo a siifwa.

Zaapuura 47:2

Maana Nnyizinku Nwulu wa Pinkuuni tu wa wooviwa na mfwalume nwulu wa olumwenku wooshi.

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Othoonyeziwa 1:8

“Miiyo ki Omwanzo na Omwiisho,” alupa Nluku Mbwana, “otule ariivo, aariivo na otule anttelaaye ota, Nwahi zooshi.”

Othoonyeziwa 19:4

Attunkhulu a tiini eshiriini na wane na zumpe haayi nne khukokhora na khumwaaputu Nluku, eekhaliyeeyo va khukulu vawe, khunyakula araka: “Amiina, Aleluuya!”