Othoonyeziwa 19:12 - Hapari Zooshapweya

¹² Maasho awe ari nkhama eviriviri ya moottho, veeshwa vawe zirivo jarata za waatta na nzina limote ahinjuwaaye hatha ntthu, woohiiyi ye mweenyewe.

Othoonyeziwa 19:12 Referans Kwoze

Othoonyeziwa 19:16

Khwa ajapi yawe na maphaja awe yaatikhiwamo yoori: mfwalume wa afwalume na mbwana wa ambwana.

Luuka 10:22

“Zooshi kenkhiwa ti Paapa, na khaavo aninjuwaaye Mwaana woohiiyi Paapa, wala aninjuwaaye Paapa woohiiyi Mwaana, na otule Mwaana anintakhelaaye yoori anjuwe.”

Othoonyeziwa 1:14

Nyuuli za mmwishwa mwawe zaari zoolakala nkhama simawuuma, zoolakala nkhama maphovu. Maasho awe aari nkhama eviriviri ya moottho.

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Matewuzhu 28:18

Aphano Yinsa khuwaattama khuwooza yoori: “Kenkhiwa ofwalume pinkuuni na vathi.

Othoonyeziwa 3:12

Otule anshinttaaye, kininretta wiiya nripu la omwimpari wa Nluku aka, na khanteela olaawo theenya. Kinteela waatikha khwa ye nzina la Nluku aka na nzina la sitati ya Nluku aka, Yeruzaleemu pheeya, eniishukhaaye pinkuuni khwa phantte ya Nluku; na theenya kinteela omwaatikhela nzina laka lipheya.

Meepereewu 2:9

Namoona, otule arettiweeyo wiiya nttitthiiru zayita malayikha, Yinsa, enkhiwa jarata ya hishima na ya siifwa mwaasa wa ohoowa na ofwa, yoori khwa rehema ya Nluku, khwa zwaamu ya atthu ooshi, ootele ofwa.

Othoonyeziwa 12:3

Khupuwa theenya alama kiina pinkuuni: jahanamu moote khuluyeene yookhuttuwa yaarina viishwa sapa na manyaka khumi, wakhula eeshwa yaarina jarata moote.

Mwanzo 32:29

Yaakhumpa khumuuza yoori: “Kakhola moolu kuuzeni nzina lenu.” Ye khujipu araka: “Ontakha orettanne nzina laka?” Khumparikhiya attaaphale.

Othoonyeziwa 6:2

Khweekesa, omaasho waka khoona khavalo yoolakala! Nakhavalo aya arina nttetthe, na khwinkhiwa jarata, khupuwa ari namashintta wootthomeliwa oshintta.

Othoonyeziwa 13:1

Koona nyama yawoopisa elankhaka mpahari, eriina manyaka khumi na viishwa sapa na jarata khumi zishawiye manyaka aya, na wakhula eeshwa eriina nzina la kufuru.

Matewuzhu 21:5

“Muuze sitati ya Siyoni yoori: ‘Omoone, mfwalume awo ontta wuuteela woojipushuwisavo, aweliye va mwaana wa puuru, mwaana wa nyama yoopakhira.’ ”

Yaahaya 17:11

Nasaapi eti akinteela wiikhala voolumwenku ila yo ari voolumwenku, maana miiyo kineetta okho oriiwo weeyo. Paapa woottakatthifu, oweenanele khwa nzina lawo, nzina okinkhiyeeyo, yoori yo eeye vamote nkhama niriizo fweeyo.

Yaahaya 17:12

Wakathi kaari vamote na yo voolumwenku, miiyo kaaweenaneliye na khuwaathokorela khwa owahi wa nzina lawo, nzina nttinttho okinkhiyeeyo. Kaaweenaneliye na khuhiivo mmote aashikhiyeeyo, woohiiyi otule atthomeliweeyo waashikha yoori epile zilupiyeezo Zawaatikhiwa Ttakatthiifu zirettikhane.

Ayeefezu 1:21

Ye ori vatulu wa alokozi ooshi, wa afwalume, owahi na oshintta khwa mazina ooshi, khahiyo nasaapi eti paasi mpakha okhu ninttaawo.