Othoonyeziwa 19:10 - Hapari Zooshapweya

¹⁰ Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”

Othoonyeziwa 19:10 Referans Kwoze

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Othoonyeziwa 4:10

attunkhulu a tiini eshiriini na wane eetta okokhora omaasho wa otule eekhaliyeeyo va khukulu, khumwaaputu otule ariiye haayi khwa mileele. Khweeselela jarata zaya omaasho wa khukulu, eepaka yoori:

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

1 Yaahaya 5:10

Otule aninkhupalaaye Mwaana wa Nluku onaaye oshaahiti aya opo nroho mwawe. Ila otule ahininkhupalaaye Nluku oninretta wiiya namahata, maana khakhupaleeni oshaahiti Nluku enkhiyeeyo monkoni wa Mwanawe.

Meepereewu 12:25

Phoole mwihikatthale onsiileza otule anttakhulaaye. Maana nkhama khavukheeni apale akatthaliyeeyo onsiila otule aari owoozaaye vathi apha, khanitepeeni fweeyo amana nimwanswi otule aninhirimizaaye wa pinkuuni.

Matewuzhu 4:10

Yinsa khumuuza yoori: “Oleevo, Epiliisi! Maana yaatikhiwa yoori: “ ‘Omwaaputu Mbwana, Nluku awo, na onrumeyele othuuto paasi.’ ”

Othoonyeziwa 14:7

Ye khulupa na huula yoosileya liraka: “Mwimoove Nluku na mwinttitthimise, maana wafiya wakathi wa ophuka wawe. Mwimwaaputu otule ompiye pinku, nti, pahari na anaattuuttu a maati.”

Othoonyeziwa 15:4

Paani ahinttelaaye owoova, oo Mbwana? Paani ahinttelaaye ottitthimisa nzina lawo? Maana weeyo paasi ti wiiyiyeeyo ttakatthiifu. Khapila zooshi zinttela ota omaasho wawo na ziwaaputu, maana zooretta zawo za shariya zathoonyezeya.”

Khaazi 10:43

Hatha na manapiyu ooshi anlawela oshaahiti yoori wakhula otule aninkhupalaaye onswamihiwa twampi zawe khwa nzina lawe ye.”

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Afiliipu 3:3

Maana ti fweeyo nikhiriyiyeeyo ninimwaputwaaye khwa Rooho ya Nluku, ninjisifwanaaye Al-Masiihu Yinsa nihina hatha nroromelo mmote wa menttezi a onaatamu,

Luuka 24:44

Nawiisha khulupa yoori: “Pi etthiipi kaawuuziyeenini wakathi opule kaari vamote na mweeyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na Zaapuura.”

Luuka 1:19

Khujipu nlayikha liraka: “Miiyo ki Jipiriilu, kiniiya vamote na Nluku, akiruma yoori kite kiwuuze hapari epi zooshapweya.

Maaruku 5:22

Aphano khuta attaaphale namalokozela mmote wa nsinakooka aari wiitthiwaaye Yaayiru, amooniyeevo Yinsa, khukokhora nshini wa moolu awe.

Khaazi 13:27

Atthu a Yeruzaleemu na afwalume aya khanjuwiye paani Yinsa, ila anhukhumwelaka ofwa aari weettettisela mattakhuzi alupiweeyo ti manapiyu, aari osomiwaaye wakhula saapatu.

1 Yaahaya 5:21

Aanaaka, mwiwerawere miluku zoovonyeya.

1 Atizaloonika 5:15

Mwiiyane phoole yoori ahiiyevo anriphaaye yootakhala khwa yootakhala, ila mwiiye akemaani mileele mmote na nzeenu na khwa atthu ooshi.

Ayeefezu 5:15

Mwiiyane phoole na menttezi enu, mwihiikhale nkhama alolo, ila mwiikhale nkhama anaakhili,

2 Akorintiyu 8:7

Nakataalikha, etthiipo mwinthoonyezaazo yoori khwa zooshi mwa oolikana zayita atthu akinoko aya nkatthi wa amini, nttakhuzi, ojuwa na ojinkha wa owaawuni azeenu, na pheta mwiriina khwa fweeyo mwijilipisane ruhusa eto ya olaza.

Maaruku 7:25

Ila nasaapiru muukha mmote, aarina mwanawe wa nnatti ariina sheethwani, asiiliyeevo monkoni wa ye, khuta khukokhora nshini wa moolu a Yinsa.

Ayeefezu 5:33

Nakataalikha, wakhula mmote wa mweeyo ona ya ompheta muukha awe nkhama etthiipo anjiphetaazo mweenyewe, na aakha ana ya owaakhola amanna zaya na shitaha khuluyeene.

Othoonyeziwa 1:1

Othoonyeza wa Yinsa Al-Masiihu, Nluku amwinkhiyeeyo yoori awaathoonyeze akarumeya awe vitthu zaariina ya orettikhana woohirupazi. Ye aperekha nlayikha lawe yoori linthoonyeze karumeya awe Yaahaya vitthu zaya epo,

Othoonyeziwa 19:9

Nlayikha khukuuza yoori: “Waatikhe yoori: Ooparikhiyiwa pi apale akharipwishiweeyo njampo liwululene la harusi ya Pwittipwitthi!” Na khumarisela alupaka yoori: “Apa pi mattakhuzi a haakhi ya Nluku.”