Othoonyeziwa 12:11 - Hapari Zooshapweya

¹¹ Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

Othoonyeziwa 12:11 Referans Kwoze

Yaahaya 16:33

“Miiyo kawuuzani vitthu epi yoori mwiiyane heeri khwa miiyo. Voolumwenku apha mwinteela wiiyana tafwawuthi; ila mwivilele! Miiyo kashintta olumwenku.”

1 Yaahaya 5:5

Paani aniwahaaye oshintta olumwenku? Otule akhupaliyeeyo yoori Yinsa mwaana wa Nluku paasi.

1 Akorintiyu 15:57

Ila rehema ya Nluku ti eninkhaaye oshintta khwa Mbwana eetthu Yinsa Al-Masiihu.

Othoonyeziwa 2:26

Otule anshinttaaye na anttelaaye oretta matakhelo aka mpakha mwiisho, kinimwinkha ofwalume khwa khapila.

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

Khaazi 20:24

Khwa miiyo ohaayi aka khuna fwayita, ila eriina fwayita okhola khaazi eti kithawuleliweeyo ti Mbwana Yinsa, mpakha wiishisa, khaazi ya olaleya hapari zooshapweya za rehema ya Nluku.

1 Yaahaya 4:4

Aanaaka, mweeyo mwa atthu a Nluku, na mwiniwaashintta manapiyu apale oojipanka, maana wooziti ti otule ariiye khwa mweeyo zayita otule ariiye voolumwenku.

Othoonyeziwa 3:5

Otule anshinttaaye onttela owala kuwo zoolakala nkhama apale, na akinteela ofuja nzina lawe nkithaapu ya ohaayi, ila kinteela otukhuru nzina lawe omaasho wa Paapa na malayikha awe.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Othoonyeziwa 3:12

Otule anshinttaaye, kininretta wiiya nripu la omwimpari wa Nluku aka, na khanteela olaawo theenya. Kinteela waatikha khwa ye nzina la Nluku aka na nzina la sitati ya Nluku aka, Yeruzaleemu pheeya, eniishukhaaye pinkuuni khwa phantte ya Nluku; na theenya kinteela omwaatikhela nzina laka lipheya.

Othoonyeziwa 2:7

Otule ariina mashiilo ti asiile etile Rooho ya Nluku elupiyeeyo khwa ojama wa Nluku. Otule anshinttaaye kinimwinkha ruhusa ya oja muutthi wa ohaayi, oriiye jannathi ya Nluku.”

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

Luuka 14:26

“Otule antakhaaye okilotta, ona ya okipheta channu zayita papaawe, mamaawe, muukhaawe, aanaawe, attwiize, alupuwe, ama ohaayi awe, noohiretti etthiipo khaniiya nakhiyoni aka.

Othoonyeziwa 11:7

Amana oweeshela oshaahiti aya, nyama yawoopisa yoolankha nkhilintti eniwoomanana ewaashintte na ewoole.

Othoonyeziwa 1:2

othuuto anlawelaaye oshaahiti wa zooshi epile ooniyeezo, epo zaya nttakhuzi la Nluku na oshaahiti wa Yinsa Al-Masiihu.

Khaazi 21:13

Aphano Paawulu khuri: “Mwinlilani mwikipatthisaka huzuni? Miiyo kiri thwayaari khahiyo ofukiwaru paasi, ila na theenya ofwa Yeruzaleemu ottuukho mwaasa wa nzina la Mbwana eetthu Yinsa.”

Othoonyeziwa 19:10

Aphano miiyo kikwela nshini wa moolu a nlayikha yoori kaaputu, ila khukuuza yoori: “Ohirette etthu eto! Ki karumeya nkhama weeyo na nkhama attwiizo apale ari nkatthi wa waamineya khwa oshaahiti wa Yinsa. Omwaaputu Nluku! Oshaahiti wa Yinsa rooho ya ohupiri.”

Othoonyeziwa 6:9

Wakathi Pwittipwitthi epharuliyeevo ephariselo ya thaanu, miiyo khoona vathi wa alitaari nafusi za apale ooliweeyo mwaasa wa nttakhuzi la Nluku na oshaahiti alaziyeeyo.

Othoonyeziwa 2:17

Otule ariina mashiilo ti asiile etile Rooho Ttakatthiifu elupiyeeyo khwa ojama wa Nluku. Otule anshinttaaye kinimwinkha oja mana oovithiwa, na theenya kinimwinkha liwe loolakala lawaatikhiwa nzina lipheya, anjuwaaye ti otule anttelaaye opwekhera paasi.”

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.