Olaawo 3:8 - Hapari Zooshapweya

⁸ Tiito kiishukhiyeeyo oteela owuusuru mmakhono wa amisuri na kiwaalazakamo mphu kiwaalawanaka nti wooshapweya na nwulweene, ohali liniittikhaawo leethi na asali; ottuukho aniikhalaawo akanaani, ahiiti, amoori, aperizi, amwiivi na ayepuzi.

Olaawo 3:8 Referans Kwoze

Mwanzo 50:24

Yuusufu ahinafwe khuwooza attwiize yoori: “Apha miiyo kinttela ofwa, ila Nluku onteela owaawunini oolazenimo mmuti mphu oolawaneni tuniya etile aamwaahitiyeeyo alaphaka yoori onteela omwinkha Eburahiima, Esiyaakha na Yaakhumpa.”

Olaawo 3:17

Miiyo kaahiti wuulazanimo nhukhumu za amisuri kiweettaneni nti wa akanaani, wa ahiiti, wa amoori wa aperizi wa amwiivi na wa ayepuzi nti oniittikhaaye leethi na asali.’

Olaawo 13:5

Amana Nnyizinku oofisani nti wa akanaani, wa ahiiti, wa amoori, wa ahaveewu na wa ayepuzi nti opule alaphaniyeeyo amarehemu apapazetthu yoori aari oteela owinkhani, nti liniittikhaawo leethi na asali, mweeyo mwina yooretta njampo ntthi mweezi otthuupo.

Yaahaya 6:38

Maana keeshukha pinkuuni, khahiyo yoori kirette matakhelo aka, ila kirette matakhelo awe otule akirumiyeeyo.

Olaawo 12:51

Siikhu ethiitile Nnyizinku khuwaalazawo meezirayiilu Misuri, khuwaatthenkeza lihimo khwa lihimo.

Mwanzo 11:5

Paata ya toowo, Nnyizinku khwiishukha yoori oone sitati ya korofwa etile aari ojekaaye atthu apale.

Yaahaya 3:13

Maana khina anawele pinkuuni woohiiyi otule alankhiyeeyo pinkuuni: Mwaana wa Pinaatamu.

Mwanzo 18:21

Kineetta ottuukhu kilawe koone khiima za twampi epo anrettaazo nkhama khweele pi etthiipo kinsiilaazo, kinttela ohakikhi.”

Mwanzo 15:14

Ila Miiyo kinteela ohukhumu khapila ethiito enttelaaye owaaretta oviitthwaana, paata ya toowo anteela olaawo na maali za waatta.

Mwanzo 11:7

Nlaweni niishukhe navirikanise luuka anttakhulaaye yoori ahisala asiilana mmote na nzaawe.”

Mwanzo 15:13

Aphano Nnyizinku khumuuza yoori: “Ojuwe yoori ojama awo onttela osafirela nti wa malaponi, ottuukho onlawa warettiwe oviitthwaana na ohukhumwiwa nyaakha miiya nne.

Mwanzo 46:4

Miiyo kinlawa vamote na weeyo Misuri na kinlawa koorutisele mmuti nttumphu. Amana ofwa Yuusufu tiye anttelaaye ophulula maasho awo.”

Olaawo 5:23

Maana thanku kilawiyeevo ottakhulana Firawuuna khwa nzina lawo yoori ontta owaahukhumu atthu apa, weeyo khuretteeni hatha etthu yoori owaataphule!”

Olaawo 12:41

Siikhu ethiito afisiyeevo nyaakha miiya nne na talaathiini, atthu ooshi a Nnyizinku eetta olaawo Misuri.

Mwanzo 43:11

Aphano Ezirayiilu, papaaya khuwooza yoori: “Nkhama pi etthiipo khina nanna kiina. Mwithuule vitthu zooshapweya za mmuti mphu, waaza paalasamu, asali, viluko, mafuttha oonukhela, na vitthu kiina nkhama khaazu, mwilawe mwamwinkhe mwinyi oto.