Olaawo 3:1 - Hapari Zooshapweya

¹ Munsa aari oshukisa nyama za nkhwewe Yeeturu, namalokozela wa tiini wa Midiyaani. Siikhu moote khuthuula nyama khusala eettana phantte kiina ya n'yaara khufiya mpakha va mwaako wa Nluku, waari wiitthiwaaye Hereebe.

Olaawo 3:1 Referans Kwoze

Olaawo 17:6

Miiyo kinttela wiiya ottuukho vatulu wa liwe la Horeepe. Weeyo opiye liwe, nttinttho lintta olaza maati yoori atthu apo anywe.” Munsa khuretta etthiipile, attunkhulu a meezirayiilu eettaka omoona.

Olaawo 19:11

yoori eeye oolikana siikhu ya ttaatthu, maana siikhu ya eto Nnyizinku onttela wiishukha vamwaako Sinaayi, mooshi mweeyo mwimoone.

Luuka 2:8

Nti otthuupule aariwo amakhampuzi aari wiikhalaaye ntthuttu ashukisaka pwittipwitthi zaya na weekesela osikhu wooshi.

Olaawo 19:3

Elottelanaka Munsa khuwela vamwaako yoori akutthanane Nluku. Nnyizinku khunkhuwela vamwaako attaaphale araka: “Olupe mattakhuzi apa wuuzaka ojama wa Yaakhumpa, atthu ooshi a meezirayiilu yoori:

Olaawo 3:5

Aphano Nnyizinku khumuuza yoori: “Ohaattamevo apha! Ovule jampali zawo maana puuro yaya eti oriivo ttakatthiifu.”

Olaawo 2:16

Namalokozela wa tiini wa Midiyaani aarina aanaawe sapa aakha, yo khuteela ottekha maati yoori atthe n'yoopo mwaya enkhe nyama za papaaya.

Olaawo 4:27

Aphano Nnyizinku khumuuza Haruni yoori: “Olawe n'yaara wakutthanane Munsa.” Ye khulawa khukutthanana va mwaako wa Nluku, khunchelisa.

Olaawo 2:21

Munsa khukhupalela wiikhala owawe Yeeturu, othuuto amwinkhiyeeyo onrala mwanawe aari wiitthiwaaye Zipoora.

Olaawo 2:18

Wakathi aruteliyeevo wa papaaya Reweele, ye khuwoozela yoori: “Leelo mwaruti supuyeene mwaasa wa niini?”

Khaazi 7:30

“Ziviriyeevo nyaakha arupayiini, khumpuwelela nlayikha vamweeke wa moottho wahaari ozimaaye n'yaara, kharipu ya mwaako Sinaayi.

Olaawo 3:12

Nluku khunjipu yoori: “Miiyo kiniiya vamote na weeyo. Eto ti alama yoori keetta wuuruma: amana owaalazawo atthu Misuri mwite vamwaako attaapha mwikaaputu.”

Olaawo 4:18

Aphano Munsa khurutela wa nkhwewe Yeeturu khumuuza yoori: “Safwatali, kilikheni kilawe Misuri kawoone ajamaazaku nkhama nalelo ari haayi.” Yeeturu khujipu araka: “Olawe na heeri.”

Olaawo 18:12

Aphano Yeeturu nkhwewe Munsa, khuretta twaha yoolukuziwa khwa Nluku; khuta Haruni na attunkhulu ooshi a meezirayiilu, yoori aje etthu yoojiwa na nkhwewe Munsa omaasho wa Nluku.

Olaawo 19:2

Noolaawo Refidimu, khulawa mpakha n'yaara ya Sinaayi, meezirayiilu khulawa khumaka ottuukho omaasho wa mwaako Sinaayi.