Olaawo 2:11 - Hapari Zooshapweya

¹¹ Siikhu moote, wakathi Munsa apatthiyeevo omwinyi, khulankha khulawa wa attwiize meepereewu khoona khaazi yoolipa aari okholisiwaaye. Theenya khumoona mmisuri aari ompiyaaye na onvulalisa mwiipereewu.

Olaawo 2:11 Referans Kwoze

Olaawo 1:11

Aphano amisuri khuwaaretta yo wiiya anamalokozela a khaazi za nkuumu yoori apatthe owaahukhumu na khaazi zoolipa. Khwa etthiipo meezirayiilu khunjekela Firawuuna sitati piiri za sakafu zaari wiitthiwaaye Pito na Rameesi.

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Matewuzhu 11:28

Mwikiteele miiyo mooshi mweeyo mwiiyiye ooshokhera na oolemeliwa, miiyo kintta wuuvumulisani.

Olaawo 3:7

Nnyizinku khulupa yoori: “Khweele kinoona nanna anhukhumwiwaazo atthu aka Misuri na kasiila nkhuwo aya mwaasa wa khaazi ankholisiwaazo pi anamalokozela a Firawuuna na kinjuwa yoori antta ohoowa.

Olaawo 5:14

Khujalitiwa masuphayi ameezirayiilu apale atthomiweeyo pi anamalokozela a anakhaazi a Firawuuna, na khusala oozeliwa yoori: “Mwaasa aya niini mwihiishisaka khaazi yenu ya waattala khizolo taana wala leelo nkhama mwaari orettaazo raku?”

Olaawo 5:9

Mweekezele khaazi yaya yoolipa yoori ashikheye ahisiileze vitthu zoohatiwa.”

Olaawo 5:4

Aphano mfwalume wa Misuri khumuuza Munsa na Haruni yoori: “Mwaasa aya niini mweeyo mwiwantipwaka atthu na khaazi zaya? Haya! Mwilawe mwakhole khaazi.”

Olaawo 5:5

Theenya Firawuuna khulupa yoori: “Atthu apa pi awaatta mwintta owaalikhisa okhola khaazi zaya.”

Olaawo 6:6

“Nakataalikha owooze meezirayiilu yoori: ‘Miiyo ki Nnyizinku na kinteela owaalazamo nkatthi wa oviitthwaana arettiweeyo pi amisuri. Kiwaataphule khaazi zoolipa epo enkhiweezo na kiniwoosuru na nkhono wookhomaala na owahi nwulweene na hukhumu.

Olaawo 6:7

Kinuurettani wiiya atthu aka na miiyo kiiye Nluku enu, aphano pi mwinttelaavo ojuwa yoori miiyo ki Nnyizinku, Nluku enu kuulaziyeenini vathi wa khaazi zoolipa mwenkhiweeyo pi amisuri.