Olaawo 1:7 - Hapari Zooshapweya

⁷ Ila meezirayiilu apale aasaliyeeyo khuvokolelana khweekezeleya khwaattelana khwiiya okhomaala mpakha khufiyelela omwazeyela mmuti mphule wooshimo.

Olaawo 1:7 Referans Kwoze

Mwanzo 46:3

Ye khuri: “Miiyo ki Nluku, Nluku wa papaawo. Ohoove olawa tuniya ya Misuri, maana khwa weeyo kinttela opuwisa khapila khuluyeene.

Mwanzo 1:28

Nluku khuwaaparikhiya khuwooza yoori: “Mwivokolelane, mwaattelane mwiitaale voolumwenku! Mwiiyane oshintta va tuniya, swi za mpahari, anyannyi ootulu na nyama zooshi zineettettaaye vathi!”

Mwanzo 47:27

Meezirayiilu khuthamela Misuri nti wa Gosheeni. Ottuukho khupatthawo meekhazi khuvokolelana khwaattelana.

Mwanzo 35:11

Nluku khumuuza theenya araka: “Miiyo ki Nluku Nwahi zooshi, mwivokolelane na mwaattelane. Khwa ojama awo weeyo enteela opuwa khapila na khuntti ya khapila za waatta na anlawa apuwevo afwalume.

Mwanzo 12:2

Kinteela wuuretta wiiya paapa wa ojama wa waatta, kinteela wuuparikhiya na onteela wiiya woojuwanikha, kinteela owaaparikhiya atthu akina mwaasa wa weeyo.

Mwanzo 9:1

Nluku khumparikhiya Nuuhi na aanaawe awoozaka yoori: “Mwivokolelane mwaattelane mwiitaale voolumwenku.

Mwanzo 48:4

akuuzaka yoori: ‘Kinteela owinkha mavokozi na kaattise ojama awo yoori khwa weeyo epuwe khuntti za waatta na kinkhe nti opu ojama awo mileele.’

Mwanzo 17:16

Kinteela omparikhiya na kimwinkhe mwaana wawo; khweele, miiyo kinimparikhiya na onteela wiiya maama wa khapila za waatta, afwalume anteela opuwa khwa ye.”

Mwanzo 28:14

Ojama awo onteela wiiya yawaatta nkhama mishaka za vathi, onteela omwazeyela okhu lintupweelaawo njuwa, lintthamuwaawo njuwa, kashikhazini na kusini. Khwa weeyo na ojama awo khapila zooshi za voolumwenku enteela oparikhiyiwa.

Mwanzo 22:17

khweele, kinteela wuuparikhiya na kiwinkhe ojama wa waatta nkhama matthottowa ootulu na mishaka za mmattima, yo anteela othuula nti wa maatuwi aya.

Mwanzo 13:16

Kinteela waattisa ojama awo nkhama mishaka za voolumwenku, nkhama etthiipo ahinteelaaye wiiyavo ntthu wa waalaka mishaka za voolumwenku, na ojama awo khunteela waalakeya.

Mwanzo 1:20

Aphano Nluku khuri: “Mpahari ziiyemo zumpe zawaatta za wiiyana ohaayi, na eeyevo anyannyi anvavaaye otulu!”

Olaawo 12:37

Meezirayiilu khulankha khusala alawa mwentto, khuvira Rameesi eettaka Sukooti. Aari alume alufu miiya sitha, ohiwaalaki aakha na aana.

Mwanzo 48:16

Nlayikha ntthi likilaziyeemo nkatthi wa vitthu zootakhala, liwaaparikhiye asimaana apa. Khwa yo livuwisiwe nzina laka na mazina a apapazaku, Eburahiima na Esiyaakha, eeyane ojama wa waatta va tuniya.”

Mwanzo 26:4

Kinttela waattisa ojama awo nkhama matthottowa ootulu, na kinttela owinkha tuniya yooshi eti. Mwaasa wa ojama awo, khapila zooshi za va tuniya zinttela wiiya zooparikhiyiwa,

Mwanzo 15:5

Khunsarulamo nheema mwawe khumuuza yoori: “Weekese otulu, waalake matthottowa nkhama anaalakeya. Ojama awo enteela wiiya etthiipo.”

Khaazi 13:17

Nluku wa meezirayiilu awaathawula apapazetthu eekhalaka nti wa Misuri, khuwaaretta wiiya atthu awaattelana. Ye khuwaalazawo khwa owahi nwulweene.

Mwanzo 26:22

Aphano khulaavo aphale vaya khulawa khuthipa nlipu nkina, khuhiivo hatha ntthu mmote wa wuumanelana. Ye khutthaja nzina la Rehopoothi araka: “Aphano Nnyizinku aninkha puuro ya nafwaasi, na ninteela oruwera saaneene nti otthuupu.”

Olaawo 1:12

Nakataalikha zaama aari ohukhumwiwaavo, pi aari otepaavo waattelana, tiito amisuri khuwaapattha woova mwaasa wa meezirayiilu.

Olaawo 5:5

Theenya Firawuuna khulupa yoori: “Atthu apa pi awaatta mwintta owaalikhisa okhola khaazi zaya.”