Mwanzo 9:23 - Hapari Zooshapweya

²³ Aphano khulankha Sheemu na Yafeeti khuthuulaza juupa khuvikela mmafuzi mwaya khusala eettetta na enyokonyoko yoori ahoone owaazu wa papaaya noofiya khunfinikha.

Mwanzo 9:23 Referans Kwoze

Akaalata 6:1

Attwiizaku, amana ntthu asikaniwa ntwampi, mweeyo mwiriina Rooho ya Nluku, mwina yonlikhisa wa emaanivo. Ila ojiinanele yoori na weeyo theenya ohizayiniwe.

Olaawo 20:12

Onshitahi papaawo na mamaawo, yoori wiikhale siikhu zawaatta vathi apha, Nnyizinku, Nluku awo awinkhiyeeyo.

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

1 Pheeturu 2:17

Mwiwaatthantte atthu ooshi khwa shitaha, mwiwaaphete attwi, mwimoove Nluku, na mwinshitahi mfwalume.

1 Timootiyu 5:19

Otule eeyiye nttunkhulu wa ojama wa Nluku, ohikhupalele olokoveziwa, aheetteeni opuwa atthu awiri ama attatthu awiiya mashaahiti.

1 Timootiyu 5:17

Anamarumeyela ojama wa Nluku apale ankholaaye khaazi saana, haaswa haaswa apale antafusiraaye na apale ansomisaaye, ojama wa Nluku ona yoowaashitahi swaafu piiri.

1 Timootiyu 5:1

Nlume wa wuuziti owula ohisala ommaruwela, ila onlipisele saana nkhama papaawo, mashaapu nkhama attwiizo,

Arooma 13:7

Mwimwinkhe wakhula ntthu etile eninsuhaaye: Nkhama lumpuru, mwiriphe lumpuru, nkhama oshokholeza, oshokholeze; nkhama woova, moove; nkhama onhishimu, onhishimu.

Mwanzo 9:22

Haamu, paapa wa Kanaani, khuvira nheema khoona owaazu wa papaawe. Khulawa khuwooza attwiize apale awiri aari vaje.

Mwanzo 9:24

Wakathi Nuuhi emwaamuwiyeevo viinyu etile, khujuwa mattakhuzi aaviriseliweeyo ti mwanawe otu weefutti.