Mwanzo 6:17 - Hapari Zooshapweya

¹⁷ “Onjuwa! Miiyo kasaleela ozamisa olumwenku wooshi na maati a nnyeri, kiishise zumpe zooshi ziriina phuumu zoohaayi ziriiye vathi wa pinku. Zooshi ziriiye va tuniya zinttela ofwa.

Mwanzo 6:17 Referans Kwoze

2 Pheeturu 2:5

Nluku kheenaneliye olumwenku wa raku, wakathi aatisiyeevo nnyeri khwa makaafiri, ila khunlikha Nuuhi, namatafusiri wa shariya, na atthu akina sapa.

Mwanzo 7:4

Amana zivira siikhu sapa kinlawa kanyisele vuula va tuniya siikhu arupayiini nthana na osikhu, kipweteche zumpe zooshi kumpiyeezo.”

1 Pheeturu 3:20

Epo zaari rooho za apale ahaari onshututelaaye Nluku, wakathi ye aari oweejaaye na ovilela siikhu epile Nuuhi aari omwaattalaavo aaraka. Eettiyemo atthu vattitthiiru, oosheene aari wanaane pi oosurukhiyeeyo khwa maati.

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Luuka 17:27

Atthu eetta oja na onywa, aari oralana na oloozana, mpakha siikhu Nuuhi aapakhiriyeeyo mmwaaraka, khuta nnyeri ooshi khufwa.

Olaawo 14:17

Miiyo kinttela wuumisa rooho za amisuri, yo anttela wuulottelelani mpahari nttumpho. Miiyo kinttela wiiya woottitthimisiwa amana kinshintta mfwalume wa Misuri na anajanka awe ooshi na mikukutta zawe zooshi za nvittha na anakhavalo awe ooshi.

Mwanzo 6:13

Nluku khumuuza Nuuhi yoori: “Kintta wiishisa zumpe zooshi zoohaayi, vamote na olumwenku aya kipweche.

Mwanzo 6:7

Khuri: “Kintta owaafujavo anaatamu aya apa kiwompiyeeyo voolumwenku apha; waaza anaatamu, nyama, anyanyama, na anyannyi ootulu, Kiwookafilikha mwaasa wowumpa.”

Matewuzhu 24:39

Yo kayaweliyiye hatha etthu mpakha wakathi otiiyeevo nnyeri na khuwaathuula ooshi. Enttela orettikhana etthiipo ota wa Mwaana wa Pinaatamu.

Mwanzo 9:9

“Nasaapi eti kinretta wahati aka na weeyo na ojama yawo,

Mwanzo 7:17

Nnyeri weeshiye siikhu arupayiini va tuniya. Maati khuvira eekezeleyaka mpakha olansa aaraka, mpakha khwaaza weeleela vatulu wa tuniya.

Mwanzo 7:15

Zumpe zooshi ziriina phuumu zoohaayi khupakhira piiri piiri mmwaaraka mphule vamote na ye.

Mwanzo 2:7

Aphano, Nnyizinku Nluku khumumpa pinaatamu khwa ottophe wa vathi. Khunvitelela mphula mwawe khumwinkha phuumu yoohaayi, pinaatamu khwiiya yumpe haayi.

Mwanzo 6:16

Ontthe tarato enfiyaaye nuusu ya phiima vatulu vaya. Waawanye tarato moote vathi, moote vakatthi, kinoko vatulu, ontthe nlako mpavu mwaya.