Mwanzo 5:22 - Hapari Zooshapweya

²² Paata yonvokola Methuseela, Enookhi eettetta na Nluku nyaakha miiya ttatthu, khuwaapattha aana akina aalume na aakha.

Mwanzo 5:22 Referans Kwoze

1 Atizaloonika 2:12

Fweeyo ninuutumerelani, ninuuzuruni na nilazaka oshaahiti yoori mweeyo mwiikhale nanna ensuhaaye khwa Nluku, otule anuukhuwelelaanini yoori mwirette phantte muufwalume mwawe na nsiifwa mwawe.

Mwanzo 17:1

Wakathi Eburamu afiiyeevo nyaakha tiisiini na tiisiya, Nnyizinku anteeliye khusala amuuza araka: “Miiyo ki Nluku Nwahi zooshi. Weettettele mwentto kintakhaaye miiyo, wiiye ntthu nkemaani,

Luuka 1:6

Oowiiri aari atthu ookhweele nkatthi wa mwentto wa Nluku na ooshututela wa wawamineyavo kano na oruma wooshi wa Mbwana.

Mwanzo 6:9

Eti hatiithi ya ojama wa Nuuhi. Vakatthi wa atthu ooshi ye paasi ti ye aari ntthu weekhweele na washariya, aari weettettelaaye mwentto wa Nluku.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

Ayeefezu 5:15

Mwiiyane phoole na menttezi enu, mwihiikhale nkhama alolo, ila mwiikhale nkhama anaakhili,

Mwanzo 48:15

Aphano khumparikhiya Yuusufu araka: “Nluku otu anrumeyeliyeeyo apapazaku, Eburahiima na Esiyaakha, Nluku otu ankishukaaye ohaayi aka wooshi mpakha leelo,

Mwanzo 24:40

Ye khukijipu yoori: ‘Nnyizinku otu kininrumeyelaaye ontta operekha nlayikha luulokoze, na ontta oparikhiya safwari yawo yoolawa omweekesa muukha wa wiiya jamaayaku na wa vaje wa apapazaku yoori ate araliwe ti mwanaka.

Akoloosu 4:5

Mwiiye a akhili khwa menttezi enu khwa atthu apale a oje; nrumeyele channu wakhula kiphenyo mwimpatthaaye.

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

Arooma 8:1

Nakataalikha, aphano khayiivo hatha hukhumu khwa apale ari khwa Yinsa Al-Masiihu.

Khaazi 9:31

Siikhu zaya epo ojama wa Nluku waari wa heeri nti wooshi wa Yudeya, Kalileya na Samariiya, waari wookhomaala na wiikhala woomoova Mbwana alipiseliwaka ti Rooho Ttakatthiifu, atthu khusala eekezeleya.

Zaapuura 128:1

Wooparikhiyiwa ti otule animoovaaye Nnyizinku, na anlottaaye tarikhi yawe.

Zaapuura 16:8

Maasho aka animweekesa Nnyizinku wakhula wakathi. Ye, ori nkhono nlume aka, akinteela osakhinyeya.

Olaawo 16:4

Aphano Nnyizinku khumuuza Munsa yoori: “Miiyo kintta okwisa etthu yoojiwa ya pinkuuni. Atthu nka asaruwaka na olokotthela wakhula siikhu khwa khiima eniwaafiyelaaye siikhu yaya etile, khwa etthiipo kinttela oweeza yoori kiwoone nkhama yo anshututela kano zaka.

Mwanzo 5:24

Enookhi eettetta na Nluku. Ye khwaashikha, maana eettiye ophaziwa ti Nluku.

1 Akorintiyu 7:17

Nakataalikha, wakhula ntthu eekhale khwa nanna Mbwana amwinkhiyeeyo na khwa nanna Nluku ankhuweliyeezo. Opu oruma waka khwa ojama wa Nluku wooshi.

Mwanzo 5:21

Enookhi afiiyeevo nyaakha siithiini na mithaanu, khumpattha mwaana khuntthaja nzina la Methuseela.

Mwanzo 5:23

Ye eekhaliye nyaakha miiya ttatthu na siithiini na mithaanu.