Mwanzo 43:15 - Hapari Zooshapweya

¹⁵ Yo khuthuula vitthu epile enkhiweezo na nzurukhu vamote na Bejami khusala alawa Misuri wa Yuusufu.

Mwanzo 43:15 Referans Kwoze

Mwanzo 42:35

Wakathi afukuliyeevo visurupa zaya, wakhula esurupa khunsikanamo nfukho wa nzurukhu, yo na papaaya nawoona nzurukhu opule khusala oova.

Mwanzo 43:11

Aphano Ezirayiilu, papaaya khuwooza yoori: “Nkhama pi etthiipo khina nanna kiina. Mwithuule vitthu zooshapweya za mmuti mphu, waaza paalasamu, asali, viluko, mafuttha oonukhela, na vitthu kiina nkhama khaazu, mwilawe mwamwinkhe mwinyi oto.

Mwanzo 43:21

Ila noofiya vahali nalaliyeevo, nafukuliye visurupa zeetthu wakhula mmote wa fweeyo khunsikanamo omilomo waya nzurukhu opule nateeliyeeyo wuuzanyela etthu yoojiwa ori woolikana. Apha, naateeliye orutisa,

Mwanzo 43:25

Attwiize Yuusufu khwaattalela tthuvo epile aataniyeezo khusala anwejela, maana aajuwiye yoori nthana aari oteela oja vamote naye.