Mwanzo 36:6 - Hapari Zooshapweya

⁶ Ye khuwaathuula aakhaawe na aanaawe na atthu ooshi aari wiikhalanaaye na vitthu zooshi aapatthiyeezo tuniya ya Kanaani waaza pwittipwitthi zawe, puuzi na mompe zawe zooshi, khumwazeyana na ttwiiye Yaakhumpa khulawa khwiikhala nti nkina.

Mwanzo 36:6 Referans Kwoze

Mwanzo 32:3

Yaakhumpa khuwaaruma akarumeya awe yoori alokoze wa ttwiiye Ezawu nti wa Seyiiri tuniya ya Edomu.

Othoonyeziwa 18:13

kaneela na viluko kiina, ovupa, mafuttha oonukhela na vitthu zoonukhela; viinyu na mafuttha a oluveera, ofu woochileya na tiriku; mompe na pwittipwitthi, khavalo na rikisho zaya na amwiitthwaana, nafusi za anaatamu.

Mwanzo 28:4

Awinkhe weeyo na ojama awo parakha etile ahitiweeyo Eburahiima, wiiye mweenyewe nti opu oniikhalaaye nkhama nletto enkhiweeyo Eburahiima ti Nluku.”

Mwanzo 25:23

Nnyizinku khunjipu yoori: “Mahimo mawiri pi ariiye mwiirukulu mwawo. Weeyo onttela ovokola khapila piiri zoohisiilani: moote enttela wiiya ya kuvu zayita eti kiina. Nttunkhulu onteela onrumeyela nsimaana.”

Mwanzo 17:8

Kinteela owinkha tuniya eti oniikhalaaye, weeyaru pure mmalapo. Tuniya yooshi ya Kanaani kinteela winkha ojama awo mileele, na miiyo kinteela wiiya Nluku aya.”

Mwanzo 13:11

Aphano, Loothi khuthawula nttapo la Yorotaani, khumwazeyana na Eburamu, khusala alawa phantte ya okhu lintthamuwaawo njuwa.

Mwanzo 13:6

Nti khawaari owahi owaalela yoori eekhale vamote, maana maali aariina zaari za waatta; tiito yahaari owaheyaaye wiikhala vahali vamote.

Mwanzo 12:5

Khunthuula muukhaawe Suhuriiya na Loothi mwaana wa ttwiiye, na maali zawe zooshi aariinaazo, vamote na amwiitthwaana awe aawaapatthiyeeyo Harani, khusala alawa Kanaani. Khufiya tuniya ya Kanaani,

Mwanzo 36:5

Na Olipama khunvokola Yewuushi, Yalaamu na Koora. Apa aari aana Ezawu awaavokoliyeeyo nti wa Kanaani.