Mwanzo 28:17 - Hapari Zooshapweya

¹⁷ Ye khwiiya wa woova channu, khulupa yoori: “Puuro eti ti yawoopisa! Nyuupa ya Nluku, na nlako wa pinkuuni.”

Mwanzo 28:17 Referans Kwoze

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

Olaawo 3:6

Khurutela olupa yoori: “Miiyo ki Nluku wa paapa awo, Nluku wa Eburahiima, Nluku wa Esiyaakha na Nluku wa Yaakhumpa.” Munsa khufinikha wuuso awe maana aari woova omweekesa.

Luuka 2:9

Nlayikha la Mbwana khwiishukhela attaaphale aariivo amakhampuzi apale, na nuuru ya Mbwana khuwaamwasikhela, khwiiya awoova channu.

Mwanzo 28:22

Liwe ntthi keemesiyeeyo apha nkhama nripu linttela wiiya nyuupa ya Nluku, na wakhula etile onikinkhaaye kiwinkhaka lifunku la khuumi.”

Othoonyeziwa 1:17

Wakathi kimooniyeevo, keetta okwela nshini wa moolu awe nkhama ntthu woofwa. Aphano ye khukittheela nkhono nlume awe na khulupa yoori: “Ohoove. Miiyo ki wa Waaza na wa Wiishela.

1 Pheeturu 4:17

Maana wafiya wakathi wa waaziwa ophukiwa nyuupa ya Nluku, na nkhama enaaza khwa fweeyo, onttela wiiya woolipa mwiisho wa apale ahinshututelaaye hapari zooshapweya za Nluku.

Meepereewu 10:21

Khwa etthiipo ninaaye haakhimu nwulu wa tiini waweettettisa nyuupa ya Nluku,

Luuka 8:35

Khulawa atthu awaatta olawa woona vitthu epile zaarettikhaniyeezo. Wakathi amwaattamiyeeyo Yinsa, khumoona nlume otule ansaruwiyeeyo masheethwani eekhaliye nshini wa moolu a Yinsa awaliye kuwo zawe na atthiiyemo akhili, yo khwiiya awoova.

Matewuzhu 17:6

Asiiliyeevo mattakhuzi apale anakhiyoni awe khukokhora khufiisa ajihi zaya vathi na khuwaapattha woova.

Mwanzo 28:18

Mmeesho mwaya supuyeene, Yaakhumpa khuthuula liwe ntthile aaphiteeziyeeyo, khweemesa khwiitthela mafuttha vatulu vaya.

Olaawo 3:5

Aphano Nnyizinku khumuuza yoori: “Ohaattamevo apha! Ovule jampali zawo maana puuro yaya eti oriivo ttakatthiifu.”