Mwanzo 25:11 - Hapari Zooshapweya

¹¹ Paata ya Eburahiima ofwa, Nluku khuparikhiya mwanawe Esiyaakha. Esiyaakha aari wiikhala kharipu ya Beeri-Laayi-Rooyi.

Mwanzo 25:11 Referans Kwoze

Mwanzo 22:17

khweele, kinteela wuuparikhiya na kiwinkhe ojama wa waatta nkhama matthottowa ootulu na mishaka za mmattima, yo anteela othuula nti wa maatuwi aya.

Mwanzo 16:14

Tiito nlipu aya opule oniitthiwaaye Beeri-Laayi-Rooyi. Nlipu aya opu ori enakatthi ya Kateeshi na Peereti.

Mwanzo 24:62

Esiyaakha aarettiye arutaka onlipu oniitthiwaaye Beeri-Laayi-Rooyi, aari wiikhala Nikeepu, phantte ya kusini ya Kanaani.

Mwanzo 17:19

Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na ye, na ojama awe ontaaye khwa mileele.

Mwanzo 12:2

Kinteela wuuretta wiiya paapa wa ojama wa waatta, kinteela wuuparikhiya na onteela wiiya woojuwanikha, kinteela owaaparikhiya atthu akina mwaasa wa weeyo.

Mwanzo 50:24

Yuusufu ahinafwe khuwooza attwiize yoori: “Apha miiyo kinttela ofwa, ila Nluku onteela owaawunini oolazenimo mmuti mphu oolawaneni tuniya etile aamwaahitiyeeyo alaphaka yoori onteela omwinkha Eburahiima, Esiyaakha na Yaakhumpa.”

Mwanzo 12:3

Kiniwaaparikhiya apale anuuparikhiyaaye, na kininlaani otule anuulaanaaye. Khwa weeyo enteela wiiya zooparikhiyiwa khapila zooshi za voolumwenku.”

Mwanzo 26:3

Ottuukho miiyo kinttela wiiya vamote na weeyo na kinttela wuuparikhiya. Weeyo na ojama awo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.

Mwanzo 24:35

Nnyizinku amparikhiya venkivene, amwinkha maali khwiiya woojuwanikha; onaaye pwittipwitthi na mompe, feeta na weero, akarumeya aalume na aakha, enkamiiya na apuuru.

Mwanzo 26:12

Esiyaakha khulima nshapa lawe nti otthuupule, mwaasa wa Nnyizinku omparikhiya mwaakha otthuupo khuurula vitthu swaafu miiya zooziti epile aazaliyeezo.