Mwanzo 2:7 - Hapari Zooshapweya

⁷ Aphano, Nnyizinku Nluku khumumpa pinaatamu khwa ottophe wa vathi. Khunvitelela mphula mwawe khumwinkha phuumu yoohaayi, pinaatamu khwiiya yumpe haayi.

Mwanzo 2:7 Referans Kwoze

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

Khaazi 17:25

Ye khanrumeyeliwa pi makhono enaatamu nkhama anthowiwaaye ti etthu, maana ye ti awenkhiyeeyo ohaayi atthu ooshi, khuwenkha phuumu na vitthu kiina.

1 Akorintiyu 15:47

Pinaatamu wamwanzo aari wa ottophe wa vathi; pinaatamu wa phiiri ari wa pinkuuni.

Mwanzo 3:19

Okholaka khaazi yoovujuwela yoori opatthe etthu yoojiwa yawo mansha awo ooshi. Maana weeyo wompaniwa ottophe, noofwa mpakha orutele vottophe.”

Mwanzo 7:22

Zumpe zooshi epile zaariina phuumu yoohaayi, zaari ovumulaaye voolumwenku apha khufwa.

Zaapuura 100:3

Mwijuwe yoori Nnyizinku ti Nluku. Ye ti anumpiye, fweeyo na awe; fweeyo na atthu awe, na pwittipwitthi ye ti annishukaaye.

Arooma 9:20

Oo pinaatamu, o paani weeyo wa onyakulisana na Nluku? Toowo etile yuupiweeyo enwahi omuuza otule oopiyeeyo yoori mwaasa aya niini okuupaka toono?

Mwanzo 3:23

Paata ya toowo, Nnyizinku Nluku khumwiikaramo nwoorotha wa Eeteni, yoori asala alima ottophe otthuupule ompaniweeyo.

Meepereewu 12:9

Olikha toowo, fooshi fweeyo naarina apapazetthu apa oonaatamu, aari onilikhisa noowaashitahi. Aphano nina yonshututela channu Papeetthu wa pinkuuni na toowo niniiya haayi.

2 Akorintiyu 5:1

Ninjuwa yoori amana epwechiwa heema yeetthu eti niniikhalaamo, wiiyiye mwiili eetthu wa vathi apha, Nluku onninkha nyuupa ya wiikhalamo pinkuuni. Nyuupa yoohijekiwi pi makhono eenaatamu, Nluku ti ajekiyeeyo, na ti ya mileele.

2 Akorintiyu 4:7

Ila ninaaye njuju nttho khwa yoopo ya mattophe, yoori nithoonyeze owahi opu nwulweene woolankha khwa Nluku, khahiyo khwa fweeyo.

Yaahaya 20:22

Paata ya olupa toowo khuwaavitelela khuri: “Mwipokhere Rooho Ttakatthiifu.

1 Timootiyu 2:13

Maana tthakuzi wa wumpiwa ti Adamu, aphano khumpiwa Haawa.

Mwanzo 2:6

Ila maati aari opuwa vathi khusala anaanisa tuniya yooshi.

Mwanzo 1:27

Aphano Nluku khumumpa pinaatamu wa wiiya nkhama ye; nlume na muukha ompiwa ti ye.