Mwanzo 12:7 - Hapari Zooshapweya

⁷ Nnyizinku khunteela Eburamu, khumuuza yoori: “Tuniya eti kinteela winkha ojama awo.” Aphano Eburamu khunjekela alitaari Nnyizinku attaaphale.

Mwanzo 12:7 Referans Kwoze

Akaalata 3:16

Nkhama etthiipo amwahitiyeeyo Eburahiima na ojama awe. Nttakhuzi la Nluku khalilupeeni yoori “na ajamaaze” nkhama liniwaalupaaye atthu awaatta channu, ila “na ajamaaze”. Eto enthoonyeza yoori laari onlupa ntthu mmote, Al-Masiihu.

Mwanzo 17:8

Kinteela owinkha tuniya eti oniikhalaaye, weeyaru pure mmalapo. Tuniya yooshi ya Kanaani kinteela winkha ojama awo mileele, na miiyo kinteela wiiya Nluku aya.”

Mwanzo 17:1

Wakathi Eburamu afiiyeevo nyaakha tiisiini na tiisiya, Nnyizinku anteeliye khusala amuuza araka: “Miiyo ki Nluku Nwahi zooshi. Weettettele mwentto kintakhaaye miiyo, wiiye ntthu nkemaani,

Mwanzo 18:1

Siikhu moote, Nnyizinku aatiiye ottakhulana Eburahiima vahali zaariivo miitthi miwulu miwulu za Manre. Yaari elukuluku na yaarivo haari ya waatta, Eburahiima aarettiye eekhaliye vanlako wa heema yawe.

Mwanzo 13:15

Tuniya eto yooshi onoonaaye kinteela owinkha weeyo na ojama awo mileele.

Mwanzo 13:4

Attaaphale anjekiyeevo alitaari, ye khwaaputu nzina la Nnyizinku.

Mwanzo 13:18

Aphano Eburamu khuthamisa heema zawe, khulawa khwiikhala aphale zaariivo miitthi miwulu miwulu nti wa Manre, sitati ya Heporooni. Attaaphale ye khunjekela alitaari Nnyizinku.

Mwanzo 32:30

Yaakhumpa khulupa yoori: “Miiyo kamoona Nluku wuuso khwa wuuso ila nalelo kiri haayi.” Tiito khutthaja nzina puuro etile la Peniyeele.

Mwanzo 26:25

Attaaphale ye khunjeka alitaari, khwaaputu nzina la Nnyizinku. Khweemesa heema yawe na akarumeya awe khuthipavo nlipu.

Mwanzo 12:8

Eeshiyeevo, khusala eetta phantte ya onyaako okhu lintthamuwaawo njuwa ya Beetele. Noofiya onyaako okhule, khweemesa heema yawe. Beetele yaari okhu lintupweelaawo njuwa, Aayi yaari okhu lintthamuwaawo njuwa. Ye khunjekela alitaari Nnyizinku khwaaputu nzina la Nnyizinku.

Meepereewu 11:13

Ooshi aya apo afwa ari nkatthi wa amini, ahina pokhere etile ahitiweeyo; yo nawoona ori peetiwene, ottuukhule khufurahela. Yo khutukhuru yoori khweele nalelo aletto na anamasaafiri mmuti mphule.

Arooma 9:8

Khwa mattakhuzi makina, khahiyo aana apale ephattu aniiyaaye aana a Nluku, ila aana a waahitiwa pi antthanttiwaaye wiiya ojama wa Eburahiima.

Mwanzo 22:9

Noofiya ohali okhule aathoonyeziweewo ti Nluku, khunjeka alitaari vatulu vaya khuthatelavo khuuni. Khunfuka mwanawe Esiyaakha khunttha vatulu wa khuuni.

Mwanzo 17:3

Aphano Eburamu khukokhora khulawa sijita, Nluku khusala anttakhulana ye araka:

Mwanzo 15:18

Siikhu ethiitile, Nnyizinku khuretta wahati na Eburamu, khumuuza yoori: “Tuniya eti kinteela winkha ojama awo, waaza muuttho wa Misuri mpakha muuttho nwulu oniitthiwaaye Efwarati,

Akaalata 4:28

Aphano mweeyo attwiizaku, mwa aana a ahiti nkhama Esiyaakha.

Olaawo 6:3

Kampuweleliye Eburahiima, Esiyaakha, na Yaakhumpa nkhama Nluku wa owahi zooshi, ila akiwaalikheeni okijuwana nzina la Nnyizinku.

Mwanzo 33:20

Attaaphale khunjeka alitaari khuntthaja Elooyi “Nluku wa Ezirayiilu.”

Mwanzo 28:13

Nnyizinku aari vatulu wa shikatta na khumuuza araka: “Miiyo ki Nnyizinku, Nluku wa papaawo Eburahiima na wa Esiyaakha. Nti opo orapaleliyeeyo kinteela owinkha weeyo na ojama awo wooshi.

Mwanzo 26:3

Ottuukho miiyo kinttela wiiya vamote na weeyo na kinttela wuuparikhiya. Weeyo na ojama awo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.

Mwanzo 8:20

Nawiisha, Nuuhi khunjeka alitaari woorettavo twaha yoomwinkha kafwara Nnyizinku. Ye khuthawula nyama epile kinoko zaya za halaali, na anyannyi a halaali akinoko aya, khushija, khulawa khuretta twaha yoolukuziwa valitaari.

Khaazi 7:5

Nluku khamwinkhiye hatha etthu moote yoori arithi, wala puuro ya luwattho yawe, ila amwaahitiye omwinkha nti, paata ya ye, waari weettela wiiya wa ojama awe. Wakathi aya opo aari waahitiwaavo ti Nluku aarettiye ahineeyane mwaana.

Meepereewu 11:8

Khwa amini Eburahiima, wakathi akhuweliweevo ti Nluku yoori alawe puuro aari weettelaaye orithisiwa, ye khushututi; khusala alawa, woohijuwi ohali aari weettaawo.

Mwanzo 24:7

Nnyizinku, Nluku wa pinkuuni akilaza vaje wa apapazaku nti wa ajamaazaku khukaahiti na olapha araka: ‘Nti opu kinttela winkha ojama awo.’ Ye ontta operekha nlayikha lawe yoori luulokoze, omweettele muukha yoori ate araliwe ti mwanaka Esiyaakha.

Olaawo 6:4

Na theenya kaarettaniye wahati aka wa owenkha nti wa Kanaani, nti aari wiikhalaaye ari aletto.

Mwanzo 13:17

Olankhe ozukulele tuniya eti woone olepa waya na owula waya, mwaasa wa yoori kinttela owinkha weeyo.”

Mwanzo 28:4

Awinkhe weeyo na ojama awo parakha etile ahitiweeyo Eburahiima, wiiye mweenyewe nti opu oniikhalaaye nkhama nletto enkhiweeyo Eburahiima ti Nluku.”

Mwanzo 35:7

Khunjeka alitaari, puuro yaya etile khutthajavo nzina la Nluku wa Beetele mwaasa yoori Nluku aajithoonyeziye attaaphale wakathi opule Yaakhumpa aari ontthiraavo ttwiiye.

Mwanzo 35:12

Nti kimwinkhiyeeyo Eburahiima na Esiyaakha kiniwinkha weeyo na theenya ojama awo ontaaye kininkha nti otthuupu.”

Mwanzo 50:24

Yuusufu ahinafwe khuwooza attwiize yoori: “Apha miiyo kinttela ofwa, ila Nluku onteela owaawunini oolazenimo mmuti mphu oolawaneni tuniya etile aamwaahitiyeeyo alaphaka yoori onteela omwinkha Eburahiima, Esiyaakha na Yaakhumpa.”

Olaawo 17:15

Munsa khunjeka alitaari na khuntthaja nzina yoori: “Nnyizinku ti anikinkhaaye oshintta”,