Mwanzo 12:2 - Hapari Zooshapweya

² Kinteela wuuretta wiiya paapa wa ojama wa waatta, kinteela wuuparikhiya na onteela wiiya woojuwanikha, kinteela owaaparikhiya atthu akina mwaasa wa weeyo.

Mwanzo 12:2 Referans Kwoze

Akaalata 3:14

Epo zaretteya yoori parakha etile Nluku amwaahitiyeyo Eburahiima ewaafiyele amalapo khwa Yinsa Al-Masiihu, yoori khwa amini nipokhere Rooho Nluku ahitiyeeyo.

Mwanzo 18:18

Eburahiima onteela wiiya paapa woomathi nwulweene wa owahi; khwa ye, kinteela oparikhiya khapila zooshi za voolumwenku.

Mwanzo 35:11

Nluku khumuuza theenya araka: “Miiyo ki Nluku Nwahi zooshi, mwivokolelane na mwaattelane. Khwa ojama awo weeyo enteela opuwa khapila na khuntti ya khapila za waatta na anlawa apuwevo afwalume.

Mwanzo 46:3

Ye khuri: “Miiyo ki Nluku, Nluku wa papaawo. Ohoove olawa tuniya ya Misuri, maana khwa weeyo kinttela opuwisa khapila khuluyeene.

Mwanzo 26:4

Kinttela waattisa ojama awo nkhama matthottowa ootulu, na kinttela owinkha tuniya yooshi eti. Mwaasa wa ojama awo, khapila zooshi za va tuniya zinttela wiiya zooparikhiyiwa,

Mwanzo 24:35

Nnyizinku amparikhiya venkivene, amwinkha maali khwiiya woojuwanikha; onaaye pwittipwitthi na mompe, feeta na weero, akarumeya aalume na aakha, enkamiiya na apuuru.

Akaalata 3:7

Nakataalikha mwijuwe yoori ooshi apale ariina amini aana a Eburahiima.

Olaawo 1:7

Ila meezirayiilu apale aasaliyeeyo khuvokolelana khweekezeleya khwaattelana khwiiya okhomaala mpakha khufiyelela omwazeyela mmuti mphule wooshimo.

Mwanzo 13:16

Kinteela waattisa ojama awo nkhama mishaka za voolumwenku, nkhama etthiipo ahinteelaaye wiiyavo ntthu wa waalaka mishaka za voolumwenku, na ojama awo khunteela waalakeya.

Mwanzo 15:5

Khunsarulamo nheema mwawe khumuuza yoori: “Weekese otulu, waalake matthottowa nkhama anaalakeya. Ojama awo enteela wiiya etthiipo.”

Mwanzo 28:14

Ojama awo onteela wiiya yawaatta nkhama mishaka za vathi, onteela omwazeyela okhu lintupweelaawo njuwa, lintthamuwaawo njuwa, kashikhazini na kusini. Khwa weeyo na ojama awo khapila zooshi za voolumwenku enteela oparikhiyiwa.

Mwanzo 27:29

Khapila zawaatta zuurumeele weeyo, na mahimo awaatta ookokhorele. Wiiye Mbwana wa attwiizo, na aana a mamaawo ookokhorele weeyo. Oolanikha pi apale anttelaaye wuulaani, na ooparikhiyiwa pi apale anttelaaye wuuparikhiya.”

Mwanzo 19:29

Nkatthi woopwecha sitati zooshi za tuniya etile, Nluku khufikhiri etile aavekeliweeyo ti Eburahiima, khumuusuru Loothi vakatthi wa pala yaarettikhaniyeeyo sitati etile aari wiikhalaaye.

Arooma 4:11

Etthiipo ye apwekherela okhiriya nkhama alama na nkhama ephariselo ya shariya aariinaaye khwa amini, wakathi nalelo aari ahinakhiriye. Nakataalikha, ye ti paapa wa ooshi apale ankhupalaaye, hatha nkhama khakhiriyeeni, yoori shariya yiiye okhupaleliwa theenya pi yo.

Mwanzo 18:19

Maana miiyo kanthawula ye yoori awaanozele aanaawe na omathi awe, weettettela saana tarikhi ya Nnyizinku, arettaka etile yiiyiye ya shariya na yoolotteya, yoori miiyo Nnyizinku kirette khwa Eburahiima etile kaahitiyeeyo.”

Mwanzo 24:1

Eburahiima aarettiye ooluvaliye arina nyaakha za waatta, Nnyizinku amparikhiyiye khwa zooshi.

Mwanzo 25:11

Paata ya Eburahiima ofwa, Nluku khuparikhiya mwanawe Esiyaakha. Esiyaakha aari wiikhala kharipu ya Beeri-Laayi-Rooyi.

Mwanzo 26:3

Ottuukho miiyo kinttela wiiya vamote na weeyo na kinttela wuuparikhiya. Weeyo na ojama awo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.

Mwanzo 17:20

Kasiila oveka wawo khwa Esumayila. Kinteela omparikhiya na kinteela omwinkha ojama wa waatta. Ye onteela wiiya paapa wa Afwalume khumi na awiri, khwa ye enteela opuwa theenya khapila ya waatta.