Mwanzo 1:26 - Hapari Zooshapweya

²⁶ Nluku khulupa theenya yoori: “Nimumpe pinaatamu woonishapihi wa wiiya nkhama fweeyo! Yoori eeyane owahi wooshintta swi za mpahari na anyannyi ootulu, mifuwo za vaje na nyama za ntthuttu mpakha nyama zooshi zinjipurulaaye vathi.”

Mwanzo 1:26 Referans Kwoze

Akoloosu 3:10

na mwawala ontthu mpheya, onzukulisiwaaye khwa ojuwa wa ratarato ya otule amumpiyeeyo.

Ayeefezu 4:24

na mwiiyane ontthu mpheya, wawumpiwa woolattanana Nluku khwa shariya na ottakatthifu wa khweele.

Mwanzo 3:22

Nnyizinku Nluku khuri: “Mpakha apha pinaatamu wampattha wiiya nkhama fweeyo, ajuwa etthu yooshapweya na yootakhala. Ye ahilikheleliwe oshuma nshumo wa muutthi woohaayi aja yoori eeyane ohaayi wa mileele.”

Mwanzo 5:1

Eti warakha ya ojama wa Adamu. Wakathi Nluku amumpiyeeyo pinaatamu, amumpiye khwa wumpo awe.

Zaapuura 100:3

Mwijuwe yoori Nnyizinku ti Nluku. Ye ti anumpiye, fweeyo na awe; fweeyo na atthu awe, na pwittipwitthi ye ti annishukaaye.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

Akoloosu 1:15

Ye ratarato ya Nluku woohooneyi, omwanzo wa vitthu zooshi za wumpiwa.

Tiyaaku 3:9

Ninrumeyela nlimi nttinttho ninsifwaka Mbwana Paapa, na khwa nttinttho niniwaalani atthu, ompiweeyo oolattanana Nluku.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

1 Akorintiyu 11:7

Nlume khana ya ofinikha eeshwa yawe, maana ye ratarato na siifwa ya Nluku; ila muukha siifwa ya nlume.

Mwanzo 9:6

“Mwaasa yoori Nluku amumpa pinaatamu ajilattanisaka mweenyewe, otule animuulaaye pinaatamu na ye ontta wuuliiwa ti pinaatamu.

Khaazi 17:26

Atthu a khapila zooshi awompa khwa ntthu mmote paasi, yoori eekhale muulumwenku, ye khutthoma wakathi na khuwenkha puuro yawiikhala khapila zaya epo.

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

1 Yaahaya 5:7

Owaapho oshaahiti mittatthu:

Tiyaaku 3:7

Pinaatamu ona makhaamu ooshintta jaati zooshi za nyama, na ashintta nyama za ntthuttu, anyannyi, nyama epile zoojipurula na swi.

Mwanzo 11:7

Nlaweni niishukhe navirikanise luuka anttakhulaaye yoori ahisala asiilana mmote na nzaawe.”

Yaahaya 5:17

Ila Yinsa khuwooza yoori: “Paapa ontta okhola khaazi mpakha leelo, na miiyo kintta okhola.”

Khaazi 17:20

Weeyo ontta onuuza shawuri zoohijuweeyi, nintakha nijuwe maana aya.”

Mwanzo 2:19

Paata ya Nnyizinku Nluku wumpa khwa ottophe wa vathi nyama zooshi za ntthuttu na anyannyi apa ootulu, zooshi khuntiisela pinaatamu yoori amoone nanna aari weettelaazo otthaja. Wakhula yumpe aari otthajaaye, nzina laya laari wiiya nttinttho.