Mwanzo 1:1 - Hapari Zooshapweya

¹ Omwanzo, Nluku ompa pinku na vathi.

Mwanzo 1:1 Referans Kwoze

Meepereewu 11:3

Khwa amini, yaneeleya yoori olumwenku wompiwa khwa nttakhuzi la Nluku, khwa etthiipo epile ninoonaaye khazaattaliweeni pi epile zinooneyaaye.

Othoonyeziwa 4:11

“Weeyo, Mbwana na Nluku etthu, onsuhi opwekhera siifwa, hishima, na owahi, maana wompa vitthu zooshi, na khwa niiya yawo zooshi zeeyavo na zompiwa.”

Meepereewu 1:10

Na theenya: “Omwanzo, Mbwana, wakheya machina a nti, na khwa makhono awo wompa pinku.

Olaawo 20:11

Maana khwa siikhu sitha, Nnyizinku eetta wumpa pinku na vathi, pahari na vitthu zooshi ziriimo, ila Saapatu khuvumula. Paata ya toowo, Nnyizinku khuparikhiya Saapatu ya etile na khuttakatthisa.

Khaazi 17:24

“Nluku othuuto ompiye olumwenku na vitthu zooshi ziriimo othuuto ti eeyiye Mbwana wa pinkuuni na vathi apha, ye khaniikhala nnyupa yawaattaliwa pi makhono enaatamu.

2 Pheeturu 3:5

Ila yo ansahawu mwayiini yoori raku, khwa nttakhuzi la Nluku, yapuwa pinku na vathi, na olumwenku wompiwa khwa maati na vakatthi wa maati.

Othoonyeziwa 14:7

Ye khulupa na huula yoosileya liraka: “Mwimoove Nluku na mwinttitthimise, maana wafiya wakathi wa ophuka wawe. Mwimwaaputu otule ompiye pinku, nti, pahari na anaattuuttu a maati.”

Khaazi 14:15

araka: “Mweeyo, niini epi zaya mwinrettaazo? Fweeyo na anaatamu nkhama mweeyo. Ila nootiseliyeni hapari zooshapweya, zinlupaaye yoori mwilikhe oretta vitthu zoohiina maana mwirutela olottela mwentto wa Nluku wa ohaayi, otule ompiyeeyo pinku na vathi, pahari na vitthu zooshi ziriiye va olumwenku.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

Meepereewu 3:4

Maana wakhula nyuupa enaaye namajeka aya, ila Nluku ti ajekiyeeyo vitthu zooshi.

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

Othoonyeziwa 10:6

na khulapha khwa otule ariina ohaayi wa mileele, otule ompiyeeyo pinku na zooshi eriina, na tuniya na zooshi eriimo, na pahari na zooshi eriimo, alupaka yoori: “Khuniiyavo theenya orupaza!

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Khaazi 4:24

Paata ya ashirikhaaya apale osiila mattakhuzi apale, ooshi aya khusala alompa anvekelaka Nluku araka: “Mbwana, ti weeyo wumpiyeeyo pinku na vathi, pahari na vitthu zooshi ziriiye va olumwenku.

Othoonyeziwa 22:13

Miiyo ki Aalufwa na Oomeka, Omwanzo na Omwiisho, wa Waaza na wa Wiishela.

1 Yaahaya 1:1

Niniwaatikhelani monkoni wa Nttakhuzi la ohaayi, nttinttho laariivo thanku waaza woolumwenku, ti othuutu ninsiiliyeeyo na nimooniyeeyo na maasho eetthu na ninsapiyeeyo na makhono eetthu.

Maaruku 13:19

Maana, siikhu zaya epo enttela wiiyavo miswipa zihineeyekevo thanku Nluku ompe olumwenku, na khinteela opuwa mikina nkhama opo.

Othoonyeziwa 21:6

Khukuuza theenya yoori: “Zarettikhana. Miiyo ki Aalufwa na Oomeka, wa Waaza na wa Wiishela. Otule ariina nnyottha, kinimwinkha maati oonywa mahala khwa naattuuttu wa maati a ohaayi.

Ayeefezu 3:9

na oweeleza atthu ooshi monkoni wa nanna enkholiwaazo siiri eti, Nluku namumpa wa zooshi aavithiyeeyo thanku asulani.

Othoonyeziwa 3:14

“Khwa ojama wa Nluku wa Lawotiseeya waatikhe yoori: Apa mattakhuzi a Amiina, oshaahiti wa waamineya na wakhweele, mfwalume nwulu wa wumpa wa Nluku.

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.