8 Khwa phantte ya anamalokozela a tiini, lifunku la khuumi limpwekheriwa ti anaatamu anfwaaye. Ila khwa phantte ya Melikizeteekhi, lifunku la khuumi limpwekheriwa ti ntthu ariiye haayi nalelo.
Ottuukho Yinsa eettawo khapulathi ya fweeyo, khwa puuro yeetthu. Khuretteya wiiya haakhimu nwulu wa tiini mileele nkhama etthiipo aariizo Melikizeteekhi.
Nkhama theenya alupiyeezo nhali nkina yoori: “Weeyo onamalokozela wa tiini wa mileele nkhama etthiipo aariizo Melikizeteekhi.”
Ki otule ari haayi. Kaafwiye, ila apha kiri haayi khwa mileele! Na kinaaye efukulo ya ofwa na ya Ahera.
Anamalokozela apale a tiini aarivo awaatta, maana ofwa waari owaalikhisa orutela khaazi yaya.
Khwa wakathi vattitthiiru atthu a voolumwenku khanteela okoona theenya, ila mweeyo mwinlawa mwakoone. Mwaasa wa miiyo wiiya haayi, na mweeyo mwinlawa mweeyane ohaayi.
Apaani ariiyeeyo noosiila ila khukhijilela? Khahi ooshi apale Munsa awaalaziyeewo Misuri?
Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.
Wakhula ntthu ona ya ofwa swaafu moote paasi, nawiisha khusala alawa ophukiwa.
Khayiivo hatha shaakha nsimaana oparikhiyiwa ti nttunkhulu.
Enwaheya olupa yoori, hatha Leevi otule ampokherelaaye mafunku a khuumi, enkha lifunku la khuumi khwa Eburahiima,