Meepereewu 6:1 - Hapari Zooshapweya

¹ Nakataalikha, nilikhe masomi apale amwanzo monkoni wa Al-Masiihu na neettele okhomaala, woohiruteli opheya nchina la othupwiya khwa khaazi ennilokozaaye muufwa, na theenya niiya ya omwaamini Nluku.

Meepereewu 6:1 Referans Kwoze

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

Khaazi 26:20

Khuwaatafusirela omwanzo apale aari wiikhalaaye Tamaashiku, paata ya okhule khuwaatafusirela apale aari Yeruzaleemu na Yudeya yooshi mpakha amalapo, kiwoozaka yoori mwithupwiye mwirutele wa Nluku, mwirettaka vitthu enthoonyezaaye othupwiya weenu.

Meepereewu 12:13

Mwaattale tarikhi yoohiina maphotto yoori moolu apale oorakala ahikwakwanttuwe, ila eeye ovonisiwa.

Matewuzhu 21:32

Maana Yaahaya ata yoori oothonyezeni tarikhi ya shariya, mweeyo khuhinkhupaleli, ila anamariphisa lumpuru na amalempe ankhupalela. Mweeyo moona vitthu epile khuhithupwiyi na wala khuhinkhupaleli.

Meepereewu 7:11

Eriwaka yaari owaheya opattikhana okhaamili khwa ohaakhimu wa aleevi, kano apwekhereliyeeyo atthu a Ezirayiilu zaari olankhaaye nkatthi wa ohaakhimu opule, khaari ohithajiya opuwa haakhimu wa tiini nkina, nkhama etthiipo aariizo Melikizeteekhi khahiyo nkhama aariizo Haruni?

Ayeefezu 4:12

awaattalelelaka attakatthiifu khaazi ya Mbwana, yoori mwiili wa Al-Masiihu ojekeye.

Yaahaya 12:44

Aphano Yinsa khulupa woosileyavo araka: “Otule anikaaminaaye miiyo, khanikaamini miiyo paasi, ila otule akirumiyeeyo.

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

2 Akorintiyu 7:10

Maana huzuni anrumeyelaaye Nluku entana othupwiya onnilawanaaye nnusura, khwa ethiito khayiivo kiiswa ya ntthu okhanyarela wiiya woohuzunikha. Ila huzuni ya voolumwenku apha entana ofwa.

2 Timootiyu 2:19

Ila nchina ankheyaaye Nluku khalinsakhinyeya liniiya loopharisiwa na mattakhuzi anraaye: “Mbwana oniwaajuwa apale eeyiye awe, wakhula otule anlottelaaye nzina la Al-Masiihu ona ya ophakuwanana vitthu zootakhala.”

Khaazi 20:21

Kiwaatafusirelaka venkivene mayaahuuti mpakha akereeku yoori ankhupali Nluku athupwiye na amwaamini Mbwana eetthu Yinsa.

Khaazi 11:18

Noosiila mattakhuzi apale, khuhiruteli olupa mattakhuzi makina, khunsifu Nluku araka: “Khweele, mpakha amalapo Nluku awenkha othupwiya yoori apatthe ohaayi.”

Khaazi 3:19

Mwithupwiye mwirutele wa Nluku yoori twampi zenu ziiye za oswaamihiwa,

Yaahaya 14:1

“Mwihihankayikhise rooho zenu. Mwinkhupali Nluku, na theenya mwikikhupali miiyo.

Maaruku 6:12

Yo khulawa khuwaatafusirela atthu yoori athupwiye.

Maaruku 1:1

Omwanzo wa hapari zooshapweya za Yinsa Al-Masiihu, Mwaana wa Nluku.

Matewuzhu 4:17

Waaza attaapho Yinsa khwaaza olaleya hapari alupaka yoori: “Mwithupwiye, maana ofwalume wa pinkuuni ori kharipu.”

1 Yaahaya 4:12

Khaavo amooniyeeyo Nluku. Nkhama nimphetana mmote na nzeetthu, Nluku oniikhala khwa fweeyo, na toowo, opheta wawe oniiya wookhamilikha khwa fweeyo.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

Tiyaaku 1:4

Nthiti laya nttho lina la wiiya lookhamilikha, yoori mweeyo mwiiye ookamilikha na oolotteya, ohivonyiwi ti hatha etthu.

Meepereewu 11:6

Khweele, noohiina amini ntthu khanintuvelisa Nluku, khwa ethiito enihithajiya yoori otule antakhaaye omwaattama Nluku akhupali yoori ye owaapho na oniwenkha phakari apale aneekesaaye onjuwa saaneene.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 1:28

Khwa etthiipo fweeyo nininlaleya, nitumerelaka na ninsomisaka wakhula ntthu na akhili zooshi, yoori nawaathonyeze atthu ooshi ari ookamilikha khwa Al-Masiihu.

Ayeefezu 2:5

khuninkha ohaayi khwa Al-Masiihu, niri woofwa mwaasa wa koosa zeetthu. Khwa rehema ya Nluku moosurukha vamote na Al-Masiihu.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Ayeefezu 2:1

Mweeyo mwaafwiiye mwaasa wa koosa zenu na twampi zenu.

1 Akorintiyu 13:10

Ila, amana eta etile yiiyiyeeyo khaamili, etile yohiiyi khaamili entta waashikha.

Khaazi 17:30

Raku, Nluku khazaari onjali vitthu zaya epo, ila aphano alupa yoori atthu a phantte zooshi athupwiye.

Khaazi 2:38

Pheeturu khuwaajipu araka: “Mwithupwiye na moosiwe wakhula mmote wa mweeyo khwa nzina la Yinsa Al-Masiihu yoori mwipatthe nswammaha wa twampi zenu, mwintta opokhera tthuvo ya Rooho Ttakatthiifu.

Matewuzhu 7:25

Khunya vuula, khwiitaaza nyuuttho khuvuma pheevo khusakhinya nyuupa etile, khuhikwi, maana nchina laya laari va mawe.

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

1 Timootiyu 6:19

Khwa nanna ethiito antta wiiyana okhu ninttaawo akhipa yookhomaala, yoori apatthe ohaayi wa ookhweele.

Luuka 6:48

Onlikanana ntthu anjekaaye nyuupa yawe khuthipa khwiichisa saaneene khuttha vanchina la mawe woozivalavo. Khuta nnyeri khupiya nyuupa etile ila khuhisakhinyeyi mwaasa woozivalisiwa.

Matewuzhu 21:29

“Khujipu yoori: ‘Akeepu!’ Ila khufikhiri khulawa okhola khaazi etile ooziweeyo.

1 Akorintiyu 2:6

Nakataalikha, akhili epi ninttakhula khwa apale akhomaaliyeeyo, ila khahiyo akhili za wakathi opu ama anamawahi a wakathi otthuupu, anttelaaye ovukuliwa ahiiye etthu.

Akoloosu 3:14

Khwa zooshi epo mwijiwalise pheta, maana ti ethiito ennikusanyaaye wookhaamilikhavo.